Olimpiese Winterspele 2022

XXIVe Olimpiese Winterspele

Gehou in Beijing, China Deelnemende lande 91 Deelnemende atlete 2 871 Items 109 in 7 sporte (15 dissipline) Openingseremonie 4 Februarie 2022 Sluitingseremonie 20 Februarie 2022 Amptelik geopen deur President Xi Jinping Atlete-eed Liu Jiayu Wang Qiang Beampte-eed Yongchun Tao Olimpiese vlam Dinigeer Yilamujiang Zhao Jiawen Vorige Spele 2018: Pyeongchang (Suid-Korea) Volgende Spele 2026: Milaan/Cortina d'Ampezzo (Italië)

Tydens die geleentheid het 2 871 atlete uit 91 nasies aan 109 items in sewe verskillende sportsoorte deelgeneem. Dit het van dié Winterspele die grootstes in die geskiedenis gemaak.

Beijing het daarmee die eerste stad geword wat beide die Olimpiese Somerspele en Winterspele aangebied het ná hulle eerste Olimpiese Somerspele 2008. Verder was dit ná Pyeongchang (2018) en Tokio (2020) die derde agtereenvolgende Olimpiese Spele in 'n Asiatiese stad. Daarbenewens het Beijing ná Sapporo (1972), Nagano (1998) en Pyeongchang (2018) die vierde Asiatiese stad geword waar Olimpiese Winterspele gehou is.

Die opening- en sluitingseremonies het in die Beijing Nasionale Stadion, ook bekend as "voëlnes", plaasgevind. Soos gebruiklik het die lande in alfabetiese volgorde die stadion ingestap met Griekeland eerste en die gasheer die Volksrepubliek China laaste, maar aangesien die plaaslike taal Mandaryns is, is dié taal se alfabet gebruik om die volgorde te bepaal. Nes die Olimpiese Somerspele 2020 ses maande voorheen, wat weens die wêreldwye Covid-19-pandemie vir een jaar uitgestel is, het dit sonder enige toeskouers plaasgevind. Die spanne van Haïti en Saoedi-Arabië het vir die eerste keer aan Olimpiese Winterspele deelgeneem. Suid-Afrika het nie aan hierdie Olimpiese Winterspele deelgeneem nie.

Die Paralimpiese Winterspele 2022 is tussen 4 en 13 Maart in Beijing gehou.

 

 

Beijing is op 31 Julie 2015 in Kuala Lumpur deur die Internasionale Olimpiese Komitee gekies as die gasheer vir die Olimpiese Winterspele in 2022. Die enigste ander kandidaat was Almati.

Die stemming het as volg verloop:

Stemming vir gasheer van die Olimpiese Winterspele 2022
Stad	Land	Rondte 1
Beijing	Volksrepubliek China	44
Almati	Kasakstan	40

Beijing

 

 

 

Olimpiese groenplekke

• Beijing Nasionale Stadion – opening- en sluitingseremonies / 80 000 klaar
• Beijing Nasionale watersportsentrum – ysbal / 3 795 klaar/opgeknap
• Beijing Nasionale Binnestadion – yshokkie / 19 418 klaar
• Nasionale langbaanskaatsovaal – langbaanskaats / 11 950 nuut
• Hoofstedelike Binnestadion – kunsskaats, kortbaanskaats / 13 289 klaar
• Wukesong-sportsentrum – yshokkie / 15 384 klaar
• Big Air Shougang – sneeuplankry (Big Air), vryski (Big Air) – 4 912 nuut
• Beijing Olimpiese Winterdorp – nuut

Yanqing-gebied

• Nasionale alpeskisentrum – alpeski 4 800 nuut
• Nasionale sleesentrum – bobslee, rodel, skeleton / 7 400 nuut
• Yanqing Olimpiese dorp / nuut

Zhangjiakou-gebied

• Sneeu-Ruyi – skansspring, Noorse kombinasie (skansspring) 6 000
• Nasionale tweekampsentrum – tweekamp 6 024
• Genting Sneeupark
  • Park A – ski en kruissneeuplankry 1 774
  • Park B – halfbaan en hellingstyl (vryski en sneeuplankry) 2 550
  • Park C – Gebiede en mogole 1 597
• Nasionale Heg-en-steg-ski-sentrum – Heg-en-steg-ski, Noorse kombinasie (Heg-en-steg-ski) 6 023
• Zhangjiakou Olimpiese dorp
• Zhangjiakou Medaljeplein

Sewe Olimpiese sporte in 15 dissiplines is tydens die Spele beoefen. Tydens die Spele is 109 medaljes oorhandig.

Die volgende tabel dui die Spele se daaglikse program aan. 'n Blou blokkie beteken dat wedstryde plaasgevind het, maar dat geen medaljes op die spel was nie. 'n Geel blokkie dui aan dat medaljes toegeken is, die getal dui op die aantal medaljeparades wat die dag gehou is.

OS

Openingseremonie

●

Wedstryde

1

Wedstryde met medaljes

UG

Uitstallingsgala

SS

Sluitingseremonie

Februarie		2 Wo	3 Do	4 Vr	5 Sa	6 So	7 Mo	8 Di	9 Wo	10 Do	11 Vr	12 Sa	13 So	14 Mo	15 Di	16 Wo	17 Do	18 Vr	19 Sa	20 So	Wedstryde
Seremonies			OS																	SS
Alpeski							2	1	1	1	1		1		1	1	1			1	11
Bobslee													●	1	1			●	1	1	4
Heg-en-steg-ski					1	1		2		1	1	1	1			2			1	1	12
Kortbaanskaats					1		2		1		1		2			2					9
Kunsskaats				●		●	1	●		1		●		1	●		1	●	1	EG	5
Langbaanskaats					1	1	1	1		1	1	1	1		2		1	1	2		14
Noorse kombinasie									1						1		1				3
Rodel					●	1	●	1	1	1											4
Skansspring					1	1	1				●	1		1							5
Skeleton										●	1	1									2
Sneeuplankry					●	1	1	2	1	2	1	1		●	2						11
Tweekamp					1		1	1			1	1	2		1	1		2			11
Vryski			●		1	1	●	1	1	1				1	1	2	1	2	1		13
Ysbal		●	●	●	●	●	●	1	●	●	●	●	●	●	●	●	●	●	1	1	3
Yshokkie			●	●	●	●	●	●	●	●	●	●	●	●	●	●	1	●	●	1	2
Totaal		0	0	0	6	6	9	10	6	8	7	6	7	4	9	8	6	5	7	5	109
Kumulatief		0	0	0	6	12	21	31	37	45	52	58	65	69	78	86	92	97	104	109
Februarie		2 Wo	3 Do	4 Vr	5 Sa	6 So	7 Mo	8 Di	9 Wo	10 Do	11 Vr	12 Sa	13 So	14 Mo	15 Di	16 Wo	17 Do	18 Vr	19 Sa	20 So	Wedstryde

Hier volg 'n alfabetiese lys van al die Nasionale Olimpiese Komitees wat deelgeneem het. Waar beskikbaar word die aantal atlete per land in hakies aangedui:

Diplomatieke boikot

 

Die volgende lande het weens verskeie menseregteskendings in Hongkong, Tibet en Xinjiang 'n diplomatieke boikot van beide die Olimpiese en Paralimpiese Winterspele 2022 aangekondig en dat hulle diplomate nie aan seremonies tydens die spele sal deelneem nie. Dit het egter nie dié lande se atlete se deelname aan dié spele geraak nie.

Buitendien het die volgende lande bevestig dat hulle nie amptelike verteenwoordigers na die openingseremonie sal stuur nie, maar nie as deel van die diplomatieke boikotveldtog nie:

Chinese leiers en media het op die diplomatieke boikot gereageer deur dit as 'n "politisering" van die gebeure te veroordeel.

Suid-Afrikaanse deelname

Die hoofartikel vir hierdie afdeling is: Suid-Afrika op die Olimpiese Spele.

Suid-Afrika het nie aan hierdie Winterspele deelgeneem nie.

 

Hier is die top tien lande wat medaljes by die Spele verower het:

Plek	Land	Deelnemers	Goud	Silwer	Brons	Totaal
1	Noorweë (NOR)	84	16	8	13	37
2	Duitsland (GER)	149	12	10	5	27
3	Volksrepubliek China (CHN)	182	9	4	2	15
4	Verenigde State (USA)	224	8	10	7	25
5	Swede (SWE)	116	8	5	5	18
6	Nederland (NED)	41	8	5	4	17
7	Oostenryk (AUT)	106	7	7	4	18
8	Switserland (SUI)	167	7	2	5	14
9	Olimpiese atlete van Rusland (ROC)	212	6	12	14	32
10	Frankryk (FRA)	86	5	7	2	14

• Olimpiese Somerspele 2008 in Beijing

• (en) (zh) Amptelike webwerf van die Olimpiese en Paralimpiese Winterspele 2022
• (en) Beijing 2022 Olympic.org. Internasionale Olimpiese Komitee.
• (en) Resultate en medaljewenners Olympic.org. Internasionale Olimpiese Komitee.

	Olimpiese Spele
Olimpiese Somerspele: 1896  • 1900  • 1904  • 1906*  • 1908  • 1912  • 1916  • 1920  • 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1996  • 2000  • 2004  • 2008  • 2012  • 2016  • 2020  • 2024  • 2028  • 2032 Olimpiese Winterspele: 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1994  • 1998  • 2002  • 2006  • 2010  • 2014  • 2018  • 2022  • 2026  • 2030 Internasionale Olimpiese Komitee – Nasionale Olimpiese Komitee (*) Die spele van 1906 is deur die IOK georganiseer, maar word nie amptelik deur die IOK erken nie.