Olimpiese Somerspele 2020

Spele van die XXXIIe Olimpiade

Gehou in Tokio, Japan Deelnemende lande 206 Deelnemende atlete 11 090 Items 339 in 33 sporte (50 dissipline) Openingseremonie 23 Julie 2021 Sluitingseremonie 8 Augustus 2021 Amptelik geopen deur Keiser Naruhito Atlete-eed Ryota Yamagata Kasumi Ishikawa Beampte-eed Masato Kato Asumi Tsuzaki Olimpiese vlam Naomi Osaka (tennis) Vorige Spele 2016: Rio de Janeiro (Brasilië) Volgende Spele 2024: Parys (Frankryk)

Tydens die geleentheid het 11 090 atlete uit 206 nasies aan 339 items in 33 verskillende sportsoorte deelgeneem.

Dit was die 32ste aanbieding van die Somerspele sedert 1896 en die tweede keer wat Tokio die spele gehuisves het na hulle eerste spele in 1964. Naas Tokio was Istanboel en Madrid kandidate vir die aanbied van die 2020-Somerspele. Ná die Rugbywêreldbeker 2019 is die Olimpiese Somerspele 2020 die tweede groot sportkompetisie in Japan binne twee jaar. Verder was dit die tweede van drie agtereenvolgende Olimpiese Spele wat in 'n Asiatiese stad aangebied was, ná Pyeongchang (2018) en voor Beijing (2022).

Die opening- en sluitingseremonies het in die Japannese Nasionale Stadion in Tokio plaasgevind. Soos gebruiklik het die lande in alfabetiese volgorde die stadion ingestap met Griekeland eerste en die gasheer Japan laaste, maar aangesien die plaaslike taal Japannees is, is dié taal se alfabet gebruik om die volgorde te bepaal. Beide Chad le Clos (swem) en Phumelela Mbande (veldhokkie) het die Suid-Afrikaanse vlag ingedra.

As gevolg van die wêreldwye Covid-19-pandemie het die Internasionale Olimpiese Komitee met die Japannese reëlingskomitee ooreengekom om die Olimpiese Somerspele 2020 vir een jaar uit te stel. Die sportgeleentheid het egter steeds sy amptelike naam behou as die Olimpiese Somerspele van die jaar 2020. Dit was die eerste keer dat 'n moderne Olimpiese Spele uitgestel en in 'n onewe jaar gehou is. Verder het die Japannese regering en die Internasionale Olimpiese Komitee aangekondig dat dit sonder enige toeskouers sou plaasvind.

Die Paralimpiese Somerspele 2020 is tussen 24 Augustus en 5 September 2021 in Tokio gehou.

 

 

 

Van die stede wat hulself beskikbaar gestel het om die Spele aan te bied sluit in (die lys is nie volledig nie):

Afrika

• Durban, Suid-Afrika

Europa

• Rome, Italië
• Sint Petersburg, Rusland
• Bakoe, Azerbeidjan
• Praag, Tsjeggië

Asië

• Tokio, Japan
• Delhi, Indië
• Doha, Katar
• Busan, Suid-Korea

Tokio is op 7 September 2013 in Buenos Aires deur die Internasionale Olimpiese Komitee as gasheer aangewys vir die Olimpiese Somerspele in 2020. Ander kandidate was Istanboel en Madrid.

Die stemming het as volg verloop:

Stemming vir gasheer van die Olimpiese Somerspele 2020
Stad	Land	Rondte 1	Rondte 2	Rondte 3
Tokio	Japan	42	—	60
Istanboel	Turkye	26	49	36
Madrid	Spanje	26	45	—

Tydens die Olimpiese Somerspele 2020 was daar in nuwe Olimpiese sportsoorte soos 3x3 Basketbal, BMX vryslag, koppelfietsry en verdere gemengde items meegeding. Onder die nuwe IOK-beleid, wat die gasheer toelaat om nuwe sportsoorte by die Olimpiese program ter aanvulling van die permanente kerngebeurtenisse te voeg, het tydens die Spele karate, klimsport, branderplankry en skaatsplankry hul Olimpiese debuut gemaak, terwyl bofbal en sagtebal weer vir die eerste keer sedert 2008 aangebied is.

33 Olimpiese sporte is tydens die Spele beoefen. Tydens die Spele is 339 medaljes oorhandig.

Erfenissone

 

 

 

 

 

 

 

 

 

 

Sewe plekke is binne die sentrale sakedistrik van Tokio, noordwes van die Olimpiese dorp geleë. Van hierdie plekke is ook vir die Olimpiese Somerspele 1964 ingespan.

Tokiobaaisone

13 plekke vir 15 sporte was in of naby Tokiobaai, suidoos van die Olimpiese dorp, hoofsaaklik op Ariake, Odaiba en die omliggende kunsmatige eilande geleë.

Afgeleë sportplekke

16 sportplekke vir 16 sporte was meer as 8 km van die Olimpiese dorp af geleë.

Sokkerstadions

Die oorspronklike kalender vir die Olimpiese Somerspele 2020 is met 364 dae uitgestel om te verseker dat al die items op die oorspronklik beplande dag van die week plaasvind, waarvolgens die nuwe kalender van 21 Julie tot 8 Augustus geloop het. Die 2020-kalender is deur die IOK op 18 Julie 2018 – met die uitsondering van swem, sierduik en gesinchroniseerde swem – goedgekeur.

Die volgende tabel dui die Spele se daaglikse program aan. 'n Blou blokkie beteken dat wedstryde plaasgevind het, maar dat geen medaljes op die spel was nie. 'n Geel blokkie dui aan dat medaljes toegeken is, die getal dui op die aantal medaljeparades wat die dag gehou is.

OS

Openingseremonie

●

Wedstryde

1

Wedstryde met medaljes

SS

Sluitingseremonie

Julie / Augustus		21 Wo	22 Do	23 Vr	24 Sa	25 So	26 Ma	27 Di	28 Wo	29 Do	30 Vr	31 Sa	1 So	2 Ma	3 Di	4 Wo	5 Do	6 Vr	7 Sa	8 So	Items
Seremonies				OS																SS
Atletiek											1	3	4	5	6	5	8	8	7	1	48
Basketbal	3x3 Basketbal				●	●	●	2													4
	Basketbal					●	●	●	●	●	●	●	●	●	●	●	●	●	1	1
Bofbal
	Bofbal								●	●	●	●	●	●	●	●	●		1		1
	Sagtebal	●	●		●	●	●	1													1
Boks					●	●	●	●	●	●	●	●	●		2	1	1	1	4	4	13
Boogskiet				●	1	1	1	●	●	●	1	1									5
Branderplankry						●	●	●	2												2
Driekamp							1	1				1									3
Fietsry	Baan													1	2	1	2	2	1	3	22
	Bergfietsry						1	1
	BMX									●	2	●	2
	Pad				1	1			2
Gewigoptel					1	2	1	2	1			2	1	2	1	1					14
Gholf										●	●	●	1			●	●	●	1		2
Gimnastiek	Artistiek				●	●	1	1	1	1			4	3	3						18
	Ritmies																	●	1	1
	Trampolien										1	1
Handbal					●	●	●	●	●	●	●	●	●	●	●	●	●	●	1	1	2
Judo					2	2	2	2	2	2	2	1									15
Kanovaart	Slalom					●	1	1	●	1	1										16
	Snel													●	4	●	4	●	4
Karate																	3	3	2		8
Klimsport															●	●	1	1			2
Moderne vyfkamp																	●	1	1		2
Pluimbal					●	●	●	●	●	●	1	1	1	2							5
Roei				●	●	●	●	2	6	4	4										14
Ruitersport					●	●		1	1		●	●	●	2	●	1		●	1		6
Skaatsplankry						1	1									1	1				4
Seilvaart						●	●	●	●	●	●	2	2		4	2					10
Sewesrugby							●	●	1	●	●	1									2
Skermsport					2	2	2	1	1	1	1	1	1								12
Skyfskiet					2	2	2	2	●	2	1	2	●	2							15
Sokker		●	●		●	●		●	●		●	●		●	●		●	1	1		2
Stoei													●	3	3	3	3	3	3		18
Taekwondo					2	2	2	2													8
Tafeltennis					●	●	1	●	●	1	1		●	●	●	●	1	1			5
Tennis					●	●	●	●	●	●	1	1	3								5
Veldhokkie					●	●	●	●	●	●	●	●	●	●	●	●	1	1			2
Vlugbal	Strandvlugbal				●	●	●	●	●	●	●	●	●	●	●	●	●	1	1		4
	Vlugbal				●	●	●	●	●	●	●	●	●	●	●	●	●	●	1	1
Watersport	Gesinchroniseerde swem													●	●	1		●	1		2
	Maratonswem															1	1				2
	Sierduik					1	1	1	1		●	●	1	●	1	●	1	●	1		8
	Swem				●	4	4	4	5	5	4	4	5								35
	Waterpolo				●	●	●	●	●	●	●	●	●	●	●	●	●	●	1	1	2
Totaal					11	18	21	22	23	17	21	21	25	20	26	17	27	23	34	13	339
Kumulatief					11	29	50	72	95	112	133	154	179	199	225	242	269	292	326	339
Julie / Augustus		21 Wo	22 Do	23 Vr	24 Sa	25 So	26 Ma	27 Di	28 Wo	29 Do	30 Vr	31 Sa	1 So	2 Ma	3 Di	4 Wo	5 Do	6 Vr	7 Sa	8 So	Items

Hier volg 'n alfabetiese lys van al die Nasionale Olimpiese Komitees wat deelgeneem het. Waar beskikbaar, word die aantal atlete per land in hakies aangedui:

Suid-Afrikaanse deelname

Die hoofartikel vir hierdie afdeling is: Suid-Afrika op die Olimpiese Spele.

Suid-Afrika het in totaal 1 goue, 2 silwer- en 0 bronsmedaljes gewen:

• Tatjana Schoenmaker het 'n goue medalje in die 200 m-borsslag vir vroue met 'n nuwe Olimpiese rekord van 2:18.95 sekondes gewen.
• Tatjana Schoenmaker het silwer in die 100 m-borsslag vir vroue gewen.
• Bianca Buitendag het silwer in branderplankry vir vroue gewen.

 

Hier is die top tien lande wat medaljes by die Spele verower het:

Plek	Land	Deelnemers	Goud	Silwer	Brons	Totaal
1	Verenigde State (USA)	613	39	41	33	113
2	Volksrepubliek China (CHN)	406	38	32	18	88
3	Japan (JPN)	552	27	14	17	58
4	Verenigde Koninkryk (GBR)	376	22	21	22	65
5	Russiese Olimpiese Komitee (ROC)	333	20	28	23	71
6	Australië (AUS)	477	17	7	22	46
7	Nederland (NED)	278	10	12	14	36
8	Frankryk (FRA)	385	10	12	11	33
9	Duitsland (GER)	425	10	11	16	37
10	Italië (ITA)	372	10	10	20	40
52	Suid-Afrika (RSA)	177	1	2	0	3

• Olimpiese Somerspele 1940 in Tokio beplan, maar weens die Tweede Wêreldoorlog gestaak
• Olimpiese Winterspele 1940 in Sapporo beplan, maar weens die Tweede Wêreldoorlog gestaak
• Olimpiese Somerspele 1964 in Tokio
• Olimpiese Winterspele 1972 in Sapporo
• Olimpiese Winterspele 1998 in Nagano

• (en) Amptelike webwerf van die Olimpiese Somerspele 2020
• (en) Tokyo 2020 Olympic.org. Internasionale Olimpiese Komitee.
• (en) Uitslae en medaljewenners Olympic.org. Internasionale Olimpiese Komitee.

	Olimpiese Spele
Olimpiese Somerspele: 1896  • 1900  • 1904  • 1906*  • 1908  • 1912  • 1916  • 1920  • 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1996  • 2000  • 2004  • 2008  • 2012  • 2016  • 2020  • 2024  • 2028  • 2032 Olimpiese Winterspele: 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1994  • 1998  • 2002  • 2006  • 2010  • 2014  • 2018  • 2022  • 2026  • 2030 Internasionale Olimpiese Komitee – Nasionale Olimpiese Komitee (*) Die spele van 1906 is deur die IOK georganiseer, maar word nie amptelik deur die IOK erken nie.