Olimpiese Somerspele 2032

Die artikel beskryf ’n sportgebeurtenis wat in die toekoms gaan plaasvind. Die inligting is moontlik spekulatief en kan vinnig verander soos data beskikbaar raak.

Spele van die XXXVe Olimpiade

Gehou in Brisbane, Australië Deelnemende lande Deelnemende atlete 10 500 Items 329 in 32 sporte Openingseremonie 23 Julie 2032 Sluitingseremonie 8 Augustus 2032 Amptelik geopen deur Goewerneur-generaal van Australië (verwag) Atlete-eed Beampte-eed Olimpiese vlam Vorige Spele 2028: Los Angeles (VSA) Volgende Spele 2036: nog nie bekend nie

Dit sal die 35ste aanbieding van die Somerspele sedert 1896 wees. Dit sal ook die derde keer wees dat Australië die spele organiseer na hulle eerste spele in 1952 in Melbourne en 2000 in Sydney. Verder sal dit die vierde Olimpiese Somerspele in die Suidelike Halfrond wees, ná die Olimpiese Somerspele 2016 in Rio de Janeiro, Brasilië.

Die opening- en sluitingseremonies sal in The Gabba-krieketveld in Brisbane plaasvind. Soos gebruiklik sal die lande in alfabetiese volgorde die stadion instap met Griekeland die eerste en die gasheer Australië die laaste, maar aangesien die plaaslike taal Engels is, sal dié taal se alfabet gebruik word om die volgorde te bepaal.

Die Paralimpiese Somerspele 2032 sal in Brisbane gehou word.

 

Van die stede wat hulleself beskikbaar gestel het om die Spele aan te bied sluit in (die lys is nie volledig nie):

Afrika

•   Kaïro, Egipte
•   Accra, Ghana
•   Johannesburg, Suid-Afrika

Asië

•   Delhi of Mumbai, Indië
•   Djakarta-Palembang, Indonesië
•   Kuala Lumpur, Maleisië en   Singapoer
•   Seoel-Pjongjang, Korea
•   Sjanghai-Hangzhou-Nanjing, Volksrepubliek China

Europa

•   Ruhrgebied, Duitsland (met Seilvaart in Kiel)
•   Boedapest, Hongarye
•   Sint Petersburg, Kazan en Sotsji, Rusland
•   Madrid-Valencia, Spanje (met bestaande geriewe in Zaragoza, Andalusië)
•   Amsterdam, Nederland (met ander geriewe regoor die land)

Oseanië

•   Brisbane, Australië
•   Melbourne, Australië
•   Doha, Katar

Suid-Amerika

•   Buenos Aires, Argentinië

Brisbane is op 21 Julie 2021 in Tokio deur die Internasionale Olimpiese Komitee gekies as gasheer vir die Olimpiese Somerspele in 2032. Dié stad was reeds voor die amptelike toekenning gunsteling om die Spele aan te bied.

Moontlike sportsoorte

Volgens die huidige beleid van die Internasionale Olimpiese Komitee bevat die Olimpiese Somerspele se program 28 kernsporte wat tydens al die Spele beoefen word, terwyl ander sporte met ondersteuning deur die IOK en die reëlingskomitee ingesluit kan word om die plaaslike belangstelling te verhoog. Die aantal atlete word op 10 500 beperk.

'n Aantal beheerliggame het planne aangekondig om sporte in die Olimpiese Somerspele 2032 se program te laat opneem:

• In Julie 2021 het die Internasionale Rugby League (IRL) se voorsitter Troy Grant daarna verwys dat die insluiting van Rugby League by die Olimpiese en Paralimpiese Somerspele 2032 'n "prioriteit" vir dié beheerliggaam is, met die fokus op Rugby League Nege en rolstoelrugbyleague. Queensland het 'n bekende Rugby League-aanhangerskultuur.
• In Augustus 2021 het die Internasionale Krieketraad (IKR) aangekondig om 'n werksgroep in te stel wat die insluiting van krieket by die Olimpiese Somerspele 2028 en/of die Olimpiese Somerspele 2032 sal ondersoek, insluitende verteenwoordigers van VSA Krieket, die Asiatiese Krieketraad, Engelse en Walliese Krieketraad (ECB) en Zimbabwe Krieket. Dié aansoek word ook deur die Raad vir Beheer van Krieket in Indië (BCCI) ondersteun. Krieket is een van die gewildste sportsoorte in Australië en Krieket Australië is een van die IKR se twaalf volle lede.
• In Augustus 2021 het Wêreldnetbal aangekondig om met ondersteuning van Netbal Australië vir die insluiting van netbal te bid. Die land het die Netbalwêreldbeker sedert sy invoering elf keer gewen. Die aansoek staar 'n moontlike struikelblok in die gesig met die IOK se huidige beleid van geslagsbalansering, aangesien vrouenetbal op die elite-vlak meer gewild is as die mans s'n. Mansnetbal het die afgelope paar jaar egter 'n sterk groei getoon.

Olimpiese sportsoorte

32 Olimpiese sporte sal tydens die Spele beoefen word. Tydens die Spele sal 329 medaljes oorhandig word.

Brisbanesone

 

 

 

 

 

 

 

Goudkussone

Sonskynkussone

Streeksone

Van die stadions is tydens die Olimpiese Somerspele 1956 of die Olimpiese Somerspele 2000 ingespan.

• Olimpiese Somerspele 1956 in Melbourne
• Olimpiese Somerspele 2000 in Sydney

• (en) Olimpiese Somerspele 2032 op Brisbane se amptelike webwerf
• (en) Brisbane 2032 Olympic.org. Internasionale Olimpiese Komitee.
• (en) Resultate en medaljewenners Olympic.org. Internasionale Olimpiese Komitee.

	Olimpiese Spele
Olimpiese Somerspele: 1896  • 1900  • 1904  • 1906*  • 1908  • 1912  • 1916  • 1920  • 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1996  • 2000  • 2004  • 2008  • 2012  • 2016  • 2020  • 2024  • 2028  • 2032 Olimpiese Winterspele: 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1994  • 1998  • 2002  • 2006  • 2010  • 2014  • 2018  • 2022  • 2026  • 2030 Internasionale Olimpiese Komitee – Nasionale Olimpiese Komitee (*) Die spele van 1906 is deur die IOK georganiseer, maar word nie amptelik deur die IOK erken nie.