Suid-Afrika Op Die Olimpiese Spele

Suid-Afrika stuur vir die eerste keer 'n span na die Somerspele van 1904. 56 jaar later, in 1960, stuur hulle hulle eerste span na die Winterspele.

In 2020 neem Suid-Afrika vir die 20ste keer aan die Somerspele deel, terwyl hulle nog net aan 7 Winterspele deelgeneem het. Hulle het nog nooit 'n medalje op 'n Winterspele gewen nie. In totaal het Suid-Afrika al 89 medaljes verower, waarvan die meeste in atletiek, boks en swem.

Plek	Land	Deelnemers	Goud	Silwer	Brons	Totaal
St. Louis 1904	Suid-Afrika	8	0	0	0	0
Londen 1908		14	1	1	0	2
Stockholm 1912	Suid-Afrika	21	4	2	0	6
Antwerpen 1920		39	3	4	3	10
Parys 1924		30	1	1	1	3
Amsterdam 1928	Suid-Afrika	24	1	0	2	3
Los Angeles 1932		12	2	0	3	5
Berlyn 1936		32	0	1	0	1
Londen 1948		35	2	1	1	4
Helsinki 1952		64	2	4	4	10
Melbourne 1956		50	0	0	4	4
Rome 1960		55	0	1	2	3
Tokio 1964	nie deelgeneem nie, opgeskort weens Apartheid
Meksikostad 1968
München 1972
Montreal 1976
Moskou 1980
Los Angeles 1984
Seoul 1988
Barcelona 1992	Suid-Afrika	93	0	2	0	2
Atlanta 1996		84	3	1	1	5
Sydney 2000		127	0	2	3	5
Athene 2004		106	1	3	2	6
Beijing 2008		136	0	1	0	1
Londen 2012		125	4	1	1	6
Rio de Janeiro 2016		138	2	6	2	10
Tokio 2020		177	1	2	0	3
Parys 2024		toekomstige gebeurtenis
Los Angeles 2028
Brisbane 2032
Algeheel		1370	27	33	29	89

Medaljes volgens sport

Plek	Land	Deelnemers	Goud	Silwer	Brons	Totaal
Atletiek	Suid-Afrika	239	9	13	6	28
Swem	Suid-Afrika	124	7	7	6	20
Boks	Suid-Afrika	75	6	4	9	19
Tennis	Suid-Afrika	34	3	2	1	6
Fietsry	Suid-Afrika	76	1	4	3	8
Roei	Suid-Afrika	73	1	1	1	3
Skyfskiet	Suid-Afrika	41	0	1	0	1
Branderplankry	Suid-Afrika	1	0	1	0	1
Kanovaart	Suid-Afrika	34	0	0	1	1
Rugby	Suid-Afrika	25	0	0	1	1
Driekamp	Suid-Afrika	17	0	0	1	1
Algeheel		1370	27	33	29	89

Tot in 1960, toe Suid-Afrika voor sy verbanning weens Apartheid vir die laaste keer aan Olimpiese Spele deelgeneem het, het sestien Springbok-Sportsterre in vyf sportsoorte goue medaljes gewen. Sedert Suid-Afrika se hertoelating in 1992 het elf verdere goue medaljes gevolg

Sport	Land	Goue Medalje	Spele en plek
Atletiek	Suid-Afrika	Reginald Walker	Olimpiese Somerspele 1908 – Londen, Verenigde Koninkryk
	Suid-Afrika	Kenneth McArthur	Olimpiese Somerspele 1912 – Stockholm, Swede
	Suid-Afrika	Bevil Rudd	Olimpiese Somerspele 1920 – Antwerpen, België
	Suid-Afrika	Syd Atkinson	Olimpiese Somerspele 1928 – Amsterdam, Nederland
	Suid-Afrika	Esther Brand	Olimpiese Somerspele 1952 – Helsinki, Finland
	Suid-Afrika	Wayde van Niekerk	Olimpiese Somerspele 2016 – Rio de Janeiro, Brasilië
	Suid-Afrika	Caster Semenya	Olimpiese Somerspele 2016 – Rio de Janeiro, Brasilië
Boks	Suid-Afrika	Clarence Walker	Olimpiese Somerspele 1920 – Antwerpen, België
	Suid-Afrika	Willie Smith	Olimpiese Somerspele 1924 – Parys, Frankryk
	Suid-Afrika	Laurie Stevens	Olimpiese Somerspele 1932 – Los Angeles, Verenigde State
	Suid-Afrika	Dave Carstens	Olimpiese Somerspele 1932 – Los Angeles, Verenigde State
	Suid-Afrika	Gerald Dreyer	Olimpiese Somerspele 1948 – Londen, Verenigde Koninkryk
	Suid-Afrika	George Hunter	Olimpiese Somerspele 1948 – Londen, Verenigde Koninkryk
Fietsry	Suid-Afrika	Rudolph Lewis	Olimpiese Somerspele 1912 – Stockholm, Swede
Roei	Suid-Afrika	Matthew Brittain, Sizwe Ndlovu, John Smith en James Thompson	Olimpiese Somerspele 2012 – Londen, Verenigde Koninkryk
Swem	Suid-Afrika	Joan Harrison	Olimpiese Somerspele 1952 – Helsinki, Finland
	Suid-Afrika	Penny Heyns	Olimpiese Somerspele 1996 – Atlanta, Verenigde State
	Suid-Afrika	Ryk Neethling, Roland Schoeman, Lyndon Ferns en Darian Townsend	Olimpiese Somerspele 2004 – Athene, Griekeland
	Suid-Afrika	Cameron van der Burgh	Olimpiese Somerspele 2012 – Londen, Verenigde Koninkryk
	Suid-Afrika	Chad le Clos	Olimpiese Somerspele 2012 – Londen, Verenigde Koninkryk
	Suid-Afrika	Tatjana Schoenmaker	Olimpiese Somerspele 2020 – Tokio, Japan
Tennis	Suid-Afrika	Charles Winslow	Olimpiese Somerspele 1912 – Stockholm, Swede
	Suid-Afrika	H. A. Kitson	Olimpiese Somerspele 1912 – Stockholm, Swede
	Suid-Afrika	Louis Raymond	Olimpiese Somerspele 1920 – Antwerpen, België

Olimpiese roem

Reggie Walker het Suid-Afrika se Olimpiese deelname op 'n glorieryke manier ingewy deur die 100 m te wen. Dit was 'n nuwe Olimpiese rekord toe hy die wenpaal na 10,8 s bereik het. Vir die eerste keer is die belangrike Olimpiese naelloop deur 'n atleet van buite die Verenigde State van Amerika gewen. Ook was dit die eerste keer dat 'n Olimpiese goue medalje teen 'n Springbokwapen gepryk het.

Kenneth McArthur het ook 'n nuwe Olimpiese rekord in die maraton opgestel. Die konstabel van Krugersdorp het die goue medalje voor sy spanmaat Christopher Gitsham, 'n mynwerker van Germiston ingepalm. Dit was 'n trotse dag vir Suid-Afrika met 1ste en 2de plek in die item.

Bevil Rudd het by die Olimpiese Somerspele van 1920 in Antwerpen drie medaljes verwerf. Sy uitsonderlike driekuns het goud in die 400 m naelloop, silwer in die 4 x 400m-aflos en ' n brons in die 800 m ingesluit.

Esther Brand se Olimpiese oorwinning is een van die grootste vertonings ooit deur 'n Suid-Afrikaanse sportvrou. Sy het Suid-Afrika se goue medalje-verhaal op 'n hoë noot afgesluit voor wêreldpolitiek die land se deelname beperk het aan die Olimpiese Spele van 1964 tot 1988. Daar was nie 'n goue medalje wenner in 1960 in Rome, by Suid-Afrika se laaste Olimpiese deelname tot 1992 nie.

• Suid-Afrikaanse Sportkonfederasie en Olimpiese Komitee

• Kennis, vol 2, bl. 322-323, ISBN 0 7981 0824 X

• Wiki Afrikaans  Wiki Commons het meer media in die kategorie Suid-Afrika op die Olimpiese Spele.
• (en) "South Africa". Internasionale Olimpiese Komitee.
• (en) "Olympic Medal Winners". Internasionale Olimpiese Komitee.
• (en) "South Africa". Sports-Reference.com. Geargiveer vanaf die oorspronklike op 17 April 2020. Besoek op 26 Februarie 2018.