Hannes Van Wyk: Suid-Afrikaanse akteur
Hannes van Wyk is 'n Suid-Afrikaanse akteur, aanbieder en vervaardiger.
Hy is veral bekend vir sy rol as Krynauw in Egoli: Plek van Goud (1991), asook sy rol in Susanna van Biljon (2010). Hy is ook 'n aanbieder van formaat en het al onderhoude met bekendes soos pres. Bill Clinton, pres. Nelson Mandela en Arnold Schwarzenegger gevoer.
| Hannes van Wyk | |
| Geboorte | 30 Julie ~1969 Aliwal-Noord |
|---|---|
| Nasionaliteit | Suid-Afrika |
| Beroep(e) | Akteur, aanbieder, vervaardiger, onderwyser |
| Rolprente | Susanna van Biljon |
| Internet-rolprentdatabasis-profiel | |
Van Wyk het aan 'n skool op sy geboortedorp in Aliwal-Noord gematrikuleer waar hy die onder-hoofseun was. Daarna het hy B.A. (drama) aan die Universiteit van die Vrystaat studeer. Hy het vir die universiteit se eerste span tennis gespeel en was ook die eerste dramastudent wat tot die studenteraad verkies is. Ná sy dramastudie het hy by die destydse streekskunsterade Sukovs en Truk gewerk. Hy het ook 'n B.A.Ed. deeltyds voltooi.
Hy spits hom aanvanklik op teaterwerk toe. Sy eerste TV-rol was in Manakwalanders en daarna in Torings, met nog vele ander wat gevolg het. Hy is veral bekend vir die rol van Krynauw du Boisson in Egoli: Plek van Goud. In 2010 maak hy sy rolprentdebuut as Johan de Villiers in Susanna van Biljon. Sedert 2015 is hy aanbieder van die kykNET-joernaalprogram Kwêla.
Filmografie
As akteur:
- Verskietende Ster, 2016 as Max du Toit
- Die Bach-motief, 2013 as dr. Beukes (kortfilm)
- Nantes, 2012 as Leroux (kortfilm)
- Susanna van Biljon, 2010 as Johan de Villiers
- Vallei van die sluiers, 2010 (TV-reeks) as die Harm,'n modeagent
- 7de Laan, 2011, gaskunstenaar.
- Egoli: Plek van Goud, 1991–2001 as Krynauw du Boisson (TV-reeks)
- Torings (TV-reeks)
- Manakwalanders (TV-reeks)
- Magda Louw (TV-reeks)
As vervaardiger:
- Die Bach-motief, 2013 (kortfilm)
Verwysings
Eksterne skakels
This article uses material from the Wikipedia Afrikaans article Hannes van Wyk, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.