Olimpiese Somerspele 1904

Spele van die IIIe Olimpiade

Gehou in St. Louis, Verenigde State Deelnemende lande 12 Nasionale Olimpiese Komitees Deelnemende atlete 651 (645 mans, 6 vroue) Items 95 in 16 sporte Openingseremonie 1 Julie 1904 Sluitingseremonie 23 November 1904 Amptelik geopen deur David Francis (Wêreldtentoonstelling) Atlete-eed – (sedert 1920) Beampte-eed – (sedert 1972) Olimpiese vlam – (sedert 1936) Vorige Spele 1900: Parys (Frankryk) Volgende Spele 1908: Londen (VK)

Louis, Missouri, Verenigde State, as deel van die Wêreldtentoonstelling gehou. Die Wêreldtentoonstelling is ter geleentheid van die Louisiana Purchase se 100-jarige jubileum een jaar later in St. Louis gehou. Die spele is oorspronklik aan Chicago toegeken, maar die Internasionale Olimpiese Komitee het later met 14 stemme teen 2 besluit om die Spele na St. Louis te skuif.

Dit was die eerste keer dat spele buite Europa gehou is, dit was ook die eerste spele wat in 'n Engelstalige land gehou is. Atlete van buite die Verenigde State het aan slegs 42 items meegeding. Tydens die spele is vir die eerste keer goue medaljes uitgereik.

16 Olimpiese sportsoorte in 95 dissiplines is tydens die Spele beoefen. Tydens die Spele is 96 goue medaljes oorhandig. Daarbenewens is wedstryde in verskeie demonstrasiesporte beslis.

•   Basketbal, Hurling,   Amerikaanse voetbal en   Bofbal is as demonstrasiesporte aangebied.   Waterpolo word in die speleverslae van die Olimpiese Somerspele 1904 genoem, maar is tans nie in die IOK se medaljedatabank ingesluit nie en word terugwerkend ook deur die IOK as 'n demonstrasiesport beskou.

 

Vyf sportplekke is tydens die Olimpiese Somerspele 1904 gebruik:

 

Hier volg 'n alfabetiese lys van al die Nasionale Olimpiese Komitees wat deelgeneem het. Waar beskikbaar word die getal atlete per land in hakies aangedui:

Daarbenewens vermeld sommige bronne deelnemende atlete van die volgende nasies:

•   Italië (1)
•   Noorweë (2)
•   Newfoundland (1)

Suid-Afrikaanse deelname

Die hoofartikel vir hierdie afdeling is: Suid-Afrika op die Olimpiese Spele.

 

Die Spele was die eerste waar die latere Suid-Afrika verteenwoordig is, hoewel die Unie van Suid-Afrika eers op 31 Mei 1910 gestig is. Die Suid-Afrikaanse span het aan die maraton en toutrek-items deelgeneem, maar het geen medaljes verower nie. Aan die toutrek-wedstryde het vyf Boere deelgeneem, wat tydens die Wêreldtentoonstelling in St. Louis gewerk het. By die marathon het Bertie Harris van die Boere, Len Taunyane van die Tswanas en Jan Mashianu van die Zoeloes deelgeneem. Hulle het ook aan die heruitvoering van die Tweede Vryheidsoorlog tydens die Wêreldtentoonstelling deelgeneem. Tydens die apartheidsjare is die deelname van albei swart atlete meestal verswyg en net die blanke atleet is genoem.

 

Hier is die top tien lande wat medaljes by die Spele verower het:

Plek	Land	Deelnemers	Goud	Silwer	Brons	Totaal
1	Verenigde State (USA)	543	79	82	76	237
2	Duitse Keiserryk (GER)	17	4	5	7	16
3	Kuba (CUB)	3	4	2	3	9
4	Kanada (CAN)	54	4	1	1	6
5	Hongarye (HUN)	4	2	1	1	4
6	Verenigde Koninkryk (GBR)	3	1	1	0	2
	Gemengde span (ZZX)	8	1	1	0	2
8	Griekeland (GRE)	15	1	0	1	2
	Switserland (SUI)	1	1	0	1	2
10	Oostenryk (AUT)	1	0	0	1	1
Totaal (10 NOKs)		651	96	92	92	280

• Olimpiese Winterspele 1932 in Lake Placid
• Olimpiese Somerspele 1932 in Los Angeles
• Olimpiese Winterspele 1960 in Squaw Valley
• Olimpiese Winterspele 1980 in Lake Placid
• Olimpiese Somerspele 1984 in Los Angeles
• Olimpiese Somerspele 1996 in Atlanta
• Olimpiese Winterspele 2002 in Salt Lake City
• Olimpiese Somerspele 2028 in Los Angeles

• (en) David Wallechinsky (2004). The Complete Book of the Summer Olympics, Athens 2004 Edition. SportClassic Books. ISBN 978-1-894963-32-9.
• (en) Bijkerk, Anthony T. (2004). "Pierre de Coubertin". In John E. Findling, Kimberly D. Pelle (red.). Encyclopedia of the Modern Olympic Movement. Greenwood Publishing Group. ISBN 0-313-32278-3. OCLC 52418065.
• (en) Bill Mallon (1999). The 1904 Olympic Games: Results for All Competitors in All Events, With Commentary. Jefferson: McFarland & Company. ISBN 0-7864-0550-3.
• (de) Karl Lennartz (1998). Die Spiele der III. Olympiade 1904 in St. Louis. Kassel: Agon-Sportverlag. ISBN 3-89784-259-9.
• (de) Volker Kluge (1997). Olympische Sommerspiele. Die Chronik Teil 1. Athen 1896 – Berlin 1936. Berlin: Sportverlag. ISBN 3-328-00715-6.
• (en) Charles J. P. Lucas (1905). The Olympic Games 1904 (PDF). St. Louis: Woodward & Tiernan.

• (en) St Louis 1904 Olympic.org. Internasionale Olimpiese Komitee.
• (en) Resultate en medaljewenners Olympic.org. Internasionale Olimpiese Komitee.
• (en) Amptelike verslag van die Olimpiese Somerspele 1904
• (en) Olympics 1900 to 1920

	Olimpiese Spele
Olimpiese Somerspele: 1896  • 1900  • 1904  • 1906*  • 1908  • 1912  • 1916  • 1920  • 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1996  • 2000  • 2004  • 2008  • 2012  • 2016  • 2020  • 2024  • 2028  • 2032 Olimpiese Winterspele: 1924  • 1928  • 1932  • 1936  • 1940  • 1944  • 1948  • 1952  • 1956  • 1960  • 1964  • 1968  • 1972  • 1976  • 1980  • 1984  • 1988  • 1992  • 1994  • 1998  • 2002  • 2006  • 2010  • 2014  • 2018  • 2022  • 2026  • 2030 Internasionale Olimpiese Komitee – Nasionale Olimpiese Komitee (*) Die spele van 1906 is deur die IOK georganiseer, maar word nie amptelik deur die IOK erken nie.