ಕರ್ನಾಟಕದ ಜಿಲ್ಲೆಗಳು: ಕರ್ನಾಟಕದ ಜಿಲ್ಲೆಗಳ ಪಟ್ಟಿ

ಹಿನ್ನೆಲೆ

ನಮ್ಮ ಕರ್ನಾಟಕ ರಾಜ್ಯಕ್ಕೆ ಸುಮಾರು ಎರಡು ಸಾವಿರ ವರ್ಷಗಳ ಇತಿಹಾಸವಿದೆ. ಬ್ರಿಟಿಷರ ಕಾಲದಲ್ಲಿ ಅವರ ಸುಗಮ ಆಡಳಿತದ ಕಾರಣಕ್ಕಾಗಿ ವಿವಿಧ ಜಿಲ್ಲೆಗಳನ್ನು Archived 2023-05-24 ವೇಬ್ಯಾಕ್ ಮೆಷಿನ್ ನಲ್ಲಿ. ರಚಿಸಲಾಯಿತು. ಅನೇಕ ಸಂದರ್ಭಗಳಲ್ಲಿ ಜಿಲ್ಲಾ ಕೇಂದ್ರಗಳು ಬದಲಾಗಿವೆ. ಕೆಲವು ಜಿಲ್ಲೆಗಳು ಚಿಕ್ಕದಾಗಿದ್ದು, ಕೆಲವು ವಿಸ್ತಾರಗೊಂಡಿವೆ. ಕೆಲವೊಂದು ದೊಡ್ಡ ಜಿಲ್ಲೆಗಳನ್ನು ವಿಭಜಿಸಿ ಎರಡು ಜಿಲ್ಲೆಗಳನ್ನು ರಚಿಸಲಾಗಿದೆ. ಈ ಜಿಲ್ಲೆಗಳ ಆಡಳಿತವನ್ನು ಜಿಲ್ಲಾಧಿಕಾರಿ ಮತ್ತು ಜಿಲ್ಲಾ ಪೊಲೀಸ್ ವರಿಷ್ಠಾಧಿಕಾರಿ ನೋಡಿಕೊಳ್ಳುತ್ತಾರೆ. ನಮ್ಮ ರಾಜ್ಯ ಸರ್ಕಾರದ ಆಡಳಿತದ ಅನುಕೂಲಕ್ಕಾಗಿ ಇರುವ ಮೂವತ್ತೊಂದು ಜಿಲ್ಲೆಗಳು ನಾಲ್ಕು ಕಂದಾಯ ವಿಭಾಗಗಳ ಅಡಿಯಲ್ಲಿ ಬರುವಂತೆ ರೂಪಿಸಲಾಗಿದೆ, ಅವು ಈ ಕೆಳಗಿನಂತೆ ಇವೆ:

1. ಬೆಂಗಳೂರು ವಿಭಾಗ

ಕರ್ನಾಟಕದ ರಾಜಧಾನಿ ಬೆಂಗಳೂರು ಆಗಿದೆ. ಇದು ಒಂದು ಆಡಳಿತ ಕಂದಾಯ ವಿಭಾಗವಾಗಿದೆ. ಈ ವಿಭಾಗದಲ್ಲಿ ಒಂಭತ್ತು ಜಿಲ್ಲೆಗಳಿವೆ. ಅವು: ಬೆಂಗಳೂರು ನಗರ, ಬೆಂಗಳೂರು ಗ್ರಾಮಾಂತರ, ಕೋಲಾರ, ಚಿಕ್ಕಬಳ್ಳಾಪುರ, ರಾಮನಗರ, ತುಮಕೂರು, ಚಿತ್ರದುರ್ಗ, ದಾವಣಗೆರೆ ಮತ್ತು ಶಿವಮೊಗ್ಗ. ನಮ್ಮ ರಾಜ್ಯದ ದಕ್ಷಿಣ ಭಾಗದಲ್ಲಿ ಇವು ನೆಲೆಗೊಂಡಿವೆ.

2. ಮೈಸೂರು ವಿಭಾಗ

ನಮ್ಮ ರಾಜ್ಯದ ಮತ್ತೊಂದು ಆಡಳಿತ ವಿಭಾಗವೆಂದರೆ ಮೈಸೂರು ವಿಭಾಗ. ಮೈಸೂರು ಆರಂಭದಲ್ಲಿ ಒಡೆಯರ್ ವಂಶಸ್ಥರ ರಾಜಧಾನಿಯಾಗಿತ್ತು. ಈ ವಿಭಾಗದಲ್ಲಿರುವ ಎಂಟು ಜಿಲ್ಲೆಗಳೆಂದರೆ: ಮೈಸೂರು, ಮಂಡ್ಯ, ಹಾಸನ, ಚಿಕ್ಕಮಗಳೂರು, ಉಡುಪಿ, ದಕ್ಷಿಣ ಕನ್ನಡ, ಚಾಮರಾಜನಗರ ಮತ್ತು ಕೊಡಗು. ಕರ್ನಾಟಕದ ಅನೇಕ ಶ್ರೀಮಂತ ಜಿಲ್ಲೆಗಳು ಈ ವಿಭಾಗದಲ್ಲಿವೆ. ಈ ವಿಭಾಗವು ನದಿಗಳಿಗೆ, ಪರ್ವತ ಶ್ರೇಣಿಗಳಿಗೆ, ಅರಣ್ಯಗಳಿಗೆ, ಕಾಡು ಪ್ರಾಣಿಗಳಿಗೆ, ಕಾಫಿ ತೋಟಗಳಿಗೆ, ಕರಾವಳಿಗೆ, ಬಂದರುಗಳಿಗೆ ಪ್ರಸಿದ್ಧವಾಗಿದೆ.

3. ಬೆಳಗಾವಿ ವಿಭಾಗ

ಈ ವಿಭಾಗದ ನಾಲ್ಕು ಜಿಲ್ಲೆಗಳು 1956ರವರೆಗೆ ಬಾಂಬೆ ಪ್ರಾಂತ್ಯದಲ್ಲಿ ಇದ್ದವು. ನಂತರ ಕರ್ನಾಟಕ ರಾಜ್ಯದಲ್ಲಿ ಸೇರ್ಪಡೆಯಾದವು. ಈ ವಿಭಾಗದಲ್ಲಿ ಇರುವ ಜಿಲ್ಲೆಗಳೆಂದರೆ: ಬೆಳಗಾವಿ, ಧಾರವಾಡ, ಗದಗ, ಹಾವೇರಿ, ವಿಜಯಪುರ, ಬಾಗಲಕೋಟ ಮತ್ತು ಉತ್ತರ ಕನ್ನಡ. ಇವುಗಳಲ್ಲಿ ಉತ್ತರ ಕನ್ನಡ ಮತ್ತು ಬೆಳಗಾವಿ ಕರ್ನಾಟಕದ ಅತಿದೊಡ್ಡ ಜಿಲ್ಲೆಗಳಾಗಿವೆ.

4. ಕಲಬುರ್ಗಿ ವಿಭಾಗ

ಕಲಬುರ್ಗಿ ವಿಭಾಗದಲ್ಲಿ ಇರುವ ಜಿಲ್ಲೆಗಳೆಂದರೆ: ಕಲಬುರ್ಗಿ, ಬೀದರ್, ಬಳ್ಳಾರಿ, ರಾಯಚೂರು, ಕೊಪ್ಪಳ, ಯಾದಗಿರಿ ಮತ್ತು ಹೊಸದಾಗಿ ಉದಯವಾದ ವಿಜಯನಗರ. ದುರದೃಷ್ಟವಶಾತ್ ಈ ಜಿಲ್ಲೆಗಳು ಸಾಕ್ಷರತಾ ಪ್ರಮಾಣ, ತಲಾ ಆದಾಯ, ಕೃಷಿ, ಜೀವಿತಾವಧಿ ಮುಂತಾದ ವಿಷಯಗಳಲ್ಲಿ ಸಾಕಷ್ಟು ಹಿಂದುಳಿದಿವೆ. ಅದಕ್ಕಾಗಿ ಕರ್ನಾಟಕ ಸರ್ಕಾರವು 2000ರಲ್ಲಿ ಡಾ. ಡಿ. ಎಂ. ನಂಜುಂಡಪ್ಪ ಅವರ ನೇತೃತ್ವದಲ್ಲಿ ಸಮಿತಿಯೊಂದನ್ನು ರಚಿಸಿದೆ. ತೀರಾ ಇತ್ತೀಚೆಗೆ ಭಾರತ ಸರ್ಕಾರ ಈ ಜಿಲ್ಲೆಗಳ ಅಭಿವೃದ್ಧಿಗಾಗಿ ಸಂವಿಧಾನದ 371 (ಜೆ) ಅಡಿಯಲ್ಲಿ ವಿಶೇಷ ಸ್ಥಾನಮಾನ ನೀಡಿದೆ.

ಕರ್ನಾಟಕ ರಾಜ್ಯದ ಎಲ್ಲಾ ಜಿಲ್ಲೆಗಳ ಅಧಿಕೃತ ಪಟ್ಟಿ

ವಿವರಣೆ
	ಬೆಂಗಳೂರು ವಿಭಾಗ
	ಮೈಸೂರು ವಿಭಾಗ
	ಬೆಳಗಾವಿ ವಿಭಾಗ
	ಕಲಬುರ್ಗಿ ವಿಭಾಗ

ಸಂಕೇತ	ಜಿಲ್ಲೆ	ಜಿಲ್ಲಾ ಕೇಂದ್ರ	ಸ್ಥಾಪನೆ	ತಾಲೂಕುಗಳು	ಜನಸಂಖ್ಯೆ(2011ರ ಜನಗಣತಿಯ ಪ್ರಕಾರ)	ವಿಸ್ತೀರ್ಣ	ಜನಸಾಂದ್ರತೆ(2011ರ ಜನಗಣತಿಯ ಪ್ರಕಾರ)
BK	ಬಾಗಲಕೋಟ	ಬಾಗಲಕೋಟ	15 ಆಗಸ್ಟ್ 1997	ಬಾದಾಮಿ ಬಾಗಲಕೋಟ ಬೀಳಗಿ ಇಳಕಲ್ಲ ರಬಕವಿ-ಬನಹಟ್ಟಿ ಗುಳೇದಗುಡ್ಡ ಜಮಖಂಡಿ ಮುಧೋಳ	1,889,752	6,575 km² (2,539 sq mi)	288/km² (750/sq mi)
BN	ಬೆಂಗಳೂರು ನಗರ	ಬೆಂಗಳೂರು	1 ನವೆಂಬರ್ 1956	ಬೆಂಗಳೂರು ಆನೇಕಲ್ ಯಲಹಂಕ ಕೃಷ್ಣರಾಜಪುರ ಕೆಂಗೇರಿ	9,621,551	2,190 km² (850 sq mi)	4,393/km² (11,380/sq mi)
BR	ಬೆಂಗಳೂರು ಗ್ರಾಮಾಂತರ	ಬೆಂಗಳೂರು	15 ಆಗಸ್ಟ್ 1986	ದೇವನಹಳ್ಳಿ ದೊಡ್ಡಬಳ್ಳಾಪುರ ಹೊಸಕೋಟೆ ನೆಲಮಂಗಲ	990,923	2,259 km² (872 sq mi)	431/km² (1,120/sq mi)
BG	ಬೆಳಗಾವಿ	ಬೆಳಗಾವಿ	1 ನವೆಂಬರ್ 1956	ಅಥಣಿ ಬೈಲಹೊಂಗಲ ಬೆಳಗಾವಿ ಚಿಕ್ಕೋಡಿ ಗೋಕಾಕ ಹುಕ್ಕೇರಿ ಖಾನಾಪುರ ಕಾಗವಾಡ ಮೂಡಲಗಿ ನಿಪ್ಪಾಣಿ ಕಿತ್ತೂರು ರಾಯಭಾಗ ರಾಮದುರ್ಗ ಸವದತ್ತಿ	4,779,661	13,415 km² (5,180 sq mi)	356/km² (920/sq mi)
BL	ಬಳ್ಳಾರಿ	ಬಳ್ಳಾರಿ	1 ನವೆಂಬರ್ 1956	ಬಳ್ಳಾರಿ ಕಂಪ್ಲಿ ಕುರುಗೋಡ ಸಂಡೂರು ಶಿರುಗುಪ್ಪ	2,452,595	8,450 km² (3,260 sq mi)	290/km² (750/sq mi)
BD	ಬೀದರ್	ಬೀದರ್	1 ನವೆಂಬರ್ 1956	ಬೀದರ್ ಬಸವಕಲ್ಯಾಣ ಕಮಲನಗರ ಹುಲಸೂರು ಚಿಟಗುಪ್ಪಾ ಭಾಲ್ಕಿ ಹುಮ್ನಾಬಾದ್ ಔರಾದ್	1,703,300	5,448 km² (2,103 sq mi)	313/km² (810/sq mi)
BJ	ವಿಜಯಪುರ	ವಿಜಯಪುರ	1 ನವೆಂಬರ್ 1956	ವಿಜಯಪುರ ಇಂಡಿ ಮುದ್ದೇಬಿಹಾಳ ಬಬಲೇಶ್ವರ ನಿಡಗುಂದಿ ತಿಕೋಟಾ ದೇವರ ಹಿಪ್ಪರಗಿ ತಾಳಿಕೋಟೆ ಚಡಚಣ ಕೊಲ್ಹಾರ ಸಿಂದಗಿ ಬಸವನ ಬಾಗೇವಾಡಿ	2,177,331	10,494 km² (4,052 sq mi)	207/km² (540/sq mi)
CJ	ಚಾಮರಾಜನಗರ	ಚಾಮರಾಜನಗರ	15 ಆಗಸ್ಟ್ 1997	ಚಾಮರಾಜನಗರ ಗುಂಡ್ಲುಪೇಟೆ ಕೊಳ್ಳೇಗಾಲ ಹನೂರು ಯಳಂದೂರು	1,020,791	5,101 km² (1,970 sq mi)	181/km² (470/sq mi)
CB	ಚಿಕ್ಕಬಳ್ಳಾಪುರ	ಚಿಕ್ಕಬಳ್ಳಾಪುರ	10 ಸೆಪ್ಟೆಂಬರ್ 2007	ಬಾಗೇಪಲ್ಲಿ ಚಿಕ್ಕಬಳ್ಳಾಪುರ ಚಿಂತಾಮಣಿ ಗೌರಿಬಿದನೂರು ಗುಡಿಬಂಡೆ ಶಿಡ್ಲಘಟ್ಟ ಚೇಳೂರು	1,255,104	4,524 km² (1,747 sq mi)	296/km² (770/sq mi)
CK	ಚಿಕ್ಕಮಗಳೂರು	ಚಿಕ್ಕಮಗಳೂರು	1 ನವೆಂಬರ್ 1956	ಚಿಕ್ಕಮಗಳೂರು ಕಡೂರು ಕೊಪ್ಪ ಮೂಡಿಗೆರೆ ನರಸಿಂಹರಾಜಪುರ ಶೃಂಗೇರಿ ಅಜ್ಜಂಪುರ ತರೀಕೆರೆ	1,137,961	7,201 km² (2,780 sq mi)	158/km² (410/sq mi)
CT	ಚಿತ್ರದುರ್ಗ	ಚಿತ್ರದುರ್ಗ	1 ನವೆಂಬರ್ 1956	ಚಳ್ಳಕೆರೆ ಚಿತ್ರದುರ್ಗ ಹಿರಿಯೂರು ಹೊಳಲ್ಕೆರೆ ಹೊಸದುರ್ಗ ಮೊಳಕಾಲ್ಮೂರು	1,659,456	8,440 km² (3,260 sq mi)	197/km² (510/sq mi)
DK	ದಕ್ಷಿಣ ಕನ್ನಡ	ಮಂಗಳೂರು	1 ನವೆಂಬರ್ 1956	ಬಂಟ್ವಾಳ ಬೆಳ್ತಂಗಡಿ ಮಂಗಳೂರು ಮೂಡುಬಿದಿರೆ ಕಡಬ ಪುತ್ತೂರು ಸುಳ್ಯ	2,089,649	4,560 km² (1,760 sq mi)	430/km² (1,100/sq mi)
DA	ದಾವಣಗೆರೆ	ದಾವಣಗೆರೆ	15 ಆಗಸ್ಟ್ 1997	ಚನ್ನಗಿರಿ ದಾವಣಗೆರೆ ಹರಿಹರ ಹೊನ್ನಾಳಿ ಜಗಳೂರು ನ್ಯಾಮತಿ	1,945,497	5,924 km² (2,287 sq mi)	328/km² (850/sq mi)
DH	ಧಾರವಾಡ	ಧಾರವಾಡ	1 ನವೆಂಬರ್ 1956	ಅಣ್ಣಿಗೇರಿ ಅಳ್ನಾವರ ಧಾರವಾಡ ಹುಬ್ಬಳ್ಳಿ ಹುಬ್ಬಳ್ಳಿ ನಗರ ಕಲಘಟಗಿ ಕುಂದಗೋಳ ನವಲಗುಂದ	1,847,023	4,260 km² (1,640 sq mi)	434/km² (1,120/sq mi)
GA	ಗದಗ	ಗದಗ	24 ಆಗಸ್ಟ್ 1997	ಗದಗ-ಬೆಟಗೇರಿ ಮುಂಡರಗಿ ನರಗುಂದ ಗಜೇಂದ್ರಗಡ ಲಕ್ಷ್ಮೇಶ್ವರ ರೋಣ ಶಿರಹಟ್ಟಿ	1,064,570	4,656 km² (1,798 sq mi)	229/km² (590/sq mi)
GU	ಕಲಬುರ್ಗಿ	ಕಲಬುರ್ಗಿ	1 ನವೆಂಬರ್ 1956	ಅಫಜಲ್ಪುರ ಆಳಂದ ಚಿಂಚೋಳಿ ಚಿತ್ತಾಪುರ ಕಲಬುರ್ಗಿ ಕಮಲಾಪುರ ಕಾಳಗಿ ಜೇವರ್ಗಿ ಸೇಡಂ ಶಹಾಬಾದ್ ಯಡ್ರಾವಿ	2,566,326	10,951 km² (4,228 sq mi)	234/km² (610/sq mi)
HS	ಹಾಸನ	ಹಾಸನ	1 ನವೆಂಬರ್ 1956	ಆಲೂರು ಅರಕಲಗೂಡು ಅರಸೀಕೆರೆ ಬೇಲೂರು ಚನ್ನರಾಯಪಟ್ಟಣ ಹಾಸನ ಹೊಳೆನರಸೀಪುರ ಸಕಲೇಶಪುರ	1,776,421	6,814 km² (2,631 sq mi)	261/km² (680/sq mi)
HV	ಹಾವೇರಿ	ಹಾವೇರಿ	24 ಆಗಸ್ಟ್ 1997	ಬ್ಯಾಡಗಿ ಹಾನಗಲ್ ಹಾವೇರಿ ಹಿರೇಕೆರೂರ ರಾಣಿಬೆನ್ನೂರು ರಟ್ಟೀಹಳ್ಳಿ ಸವಣೂರು ಶಿಗ್ಗಾಂವ	1,597,668	4,823 km² (1,862 sq mi)	331/km² (860/sq mi)
KD	ಕೊಡಗು	ಮಡಿಕೇರಿ	1 ನವೆಂಬರ್ 1956	ಮಡಿಕೇರಿ ಸೋಮವಾರಪೇಟೆ ವಿರಾಜಪೇಟೆ	554,519	4,102 km² (1,584 sq mi)	135/km² (350/sq mi)
KL	ಕೋಲಾರ	ಕೋಲಾರ	1 ನವೆಂಬರ್ 1956	ಬಂಗಾರಪೇಟೆ ಕೋಲಾರ ಕೆ.ಜಿ.ಎಫ್ ಮಾಲೂರು ಮುಳಬಾಗಿಲು ಶ್ರೀನಿವಾಸಪುರ	1,536,401	3,969 km² (1,532 sq mi)	386/km² (1,000/sq mi)
KP	ಕೊಪ್ಪಳ	ಕೊಪ್ಪಳ	24 ಆಗಸ್ಟ್ 1997	ಗಂಗಾವತಿ ಕನಕಗಿರಿ ಕುಕನೂರು ಕಾರಟಗಿ ಕೊಪ್ಪಳ ಕುಷ್ಟಗಿ ಯಲಬುರ್ಗಾ	1,389,920	7,189 km² (2,776 sq mi)	250/km² (650/sq mi)
MA	ಮಂಡ್ಯ	ಮಂಡ್ಯ	1 ನವೆಂಬರ್ 1956 (29 ಆಗಸ್ಟ್ 1939)	ಕೃಷ್ಣರಾಜಪೇಟೆ ಮದ್ದೂರು ಮಳವಳ್ಳಿ ಮಂಡ್ಯ ನಾಗಮಂಗಲ ಪಾಂಡವಪುರ ಶ್ರೀರಂಗಪಟ್ಟಣ	1,805,769	4,961 km² (1,915 sq mi)	364/km² (940/sq mi)
MY	ಮೈಸೂರು	ಮೈಸೂರು	1 ನವೆಂಬರ್ 1956	ಹೆಗ್ಗಡದೇವನಕೋಟೆ ಹುಣಸೂರು ಕೃಷ್ಣರಾಜನಗರ ಮೈಸೂರು ನಂಜನಗೂಡು ಪಿರಿಯಾಪಟ್ಟಣ ಸರಗೂರು ಟಿ.ನರಸೀಪುರ	3,001,127	6,854 km² (2,646 sq mi)	476/km² (1,230/sq mi)
RA	ರಾಯಚೂರು	ರಾಯಚೂರು	1 ನವೆಂಬರ್ 1956	ದೇವದುರ್ಗ ಲಿಂಗಸೂಗೂರು ಮಾನ್ವಿ ಮಸ್ಕಿ ರಾಯಚೂರು ಸಿಂಧನೂರು ಸಿರವಾರ	1,928,812	6,827 km² (2,636 sq mi)	228/km² (590/sq mi)
RM	ರಾಮನಗರ	ರಾಮನಗರ	10 ಸೆಪ್ಟೆಂಬರ್ 2007	ರಾಮನಗರ ಚನ್ನಪಟ್ಟಣ ಕನಕಪುರ ಮಾಗಡಿ ಹಾರೋಹಳ್ಳಿ ಕೋಡಿಹಳ್ಳಿ ಕುದೂರು ಕುಣಿಗಲ್ ಹುಲಿಯೂರು ದುರ್ಗ	1,082,636	3,556 km² (1,373 sq mi)	308/km² (800/sq mi)
SH	ಶಿವಮೊಗ್ಗ	ಶಿವಮೊಗ್ಗ	1 ನವೆಂಬರ್ 1956	ಭದ್ರಾವತಿ ಹೊಸನಗರ ಸಾಗರ ಶಿಕಾರಿಪುರ ಶಿವಮೊಗ್ಗ ಸೊರಬ ತೀರ್ಥಹಳ್ಳಿ	1,752,753	8,477 km² (3,273 sq mi)	207/km² (540/sq mi)
TU	ತುಮಕೂರು	ತುಮಕೂರು	1 ನವೆಂಬರ್ 1956	ಚಿಕ್ಕನಾಯಕನಹಳ್ಳಿ ಗುಬ್ಬಿ ಹುಳಿಯಾರು ಕೊರಟಗೆರೆ ಕುಣಿಗಲ್ ಮಧುಗಿರಿ ಪಾವಗಡ ಶಿರಾ ತಿಪಟೂರು ತುಮಕೂರು ತುರುವೇಕೆರೆ	2,678,980	10,597 km² (4,092 sq mi)	253/km² (660/sq mi)
UD	ಉಡುಪಿ	ಉಡುಪಿ	25 ಆಗಸ್ಟ್ 1997	ಉಡುಪಿ ಬ್ರಹ್ಮಾವರ ಕಾರ್ಕಳ ಕಾಪು ಕುಂದಾಪುರ ಹೆಬ್ರಿ ಬೈಂದೂರು	1,177,361	3,880 km² (1,500 sq mi)	329/km² (850/sq mi)
UK	ಉತ್ತರ ಕನ್ನಡ	ಕಾರವಾರ	1 ನವೆಂಬರ್ 1956	ಅಂಕೋಲಾ ಭಟ್ಕಳ ದಾಂಡೇಲಿ ಹಳಿಯಾಳ ಹೊನ್ನಾವರ ಜೋಯ್ಡಾ ಕಾರವಾರ ಕುಮಟಾ ಮುಂಡಗೋಡು ಸಿದ್ಧಾಪುರ ಸಿರ್ಸಿ ಯಲ್ಲಾಪುರ	1,437,169	10,291 km² (3,973 sq mi)	140/km² (360/sq mi)
VN	ವಿಜಯನಗರ	ಹೊಸಪೇಟೆ	18 ನವೆಂಬರ್ 2020	ಹಗರಿಬೊಮ್ಮನಹಳ್ಳಿ ಹರಪನಹಳ್ಳಿ ಹೂವಿನ ಹಡಗಲಿ ಹೊಸಪೇಟೆ ಕೊಟ್ಟೂರು ಕೂಡ್ಲಿಗಿ	1,353,628	5,644 km² (2,179 sq mi)
	ಯಾದಗಿರಿ	ಯಾದಗಿರಿ	30 ಡಿಸೆಂಬರ್ 2009	ಗುರುಮಿಟಕಲ್ ಹುಣಸಗಿ ಶಹಾಪುರ ಶೋರಾಪುರ ವಡಗೇರಾ ಯಾದಗಿರಿ	1,174,271	5,273 km² (2,036 sq mi)	223/km² (580/sq mi)

ಉಲ್ಲೇಖಗಳು

This article uses material from the Wikipedia ಕನ್ನಡ article ಕರ್ನಾಟಕದ ಜಿಲ್ಲೆಗಳು, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ವಿಶೇಷವಾಗಿ ಟಿಪ್ಪಣಿ ಮಾಡದಿದ್ದ ಹೊರತು ಪಠ್ಯ "CC BY-SA 4.0" ರಡಿ ಲಭ್ಯವಿದೆ. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ಕನ್ನಡ (DUHOCTRUNGQUOC.VN) is an independent company and has no affiliation with Wiki Foundation.