Swartsee
Die Swartsee of Swart See (Abchasies: Амшын Еиқәа Amshyn Eikʷa, Bulgaars: Черно море Cherno more , Georgies: შავი ზღვა Shavi zghva, Roemeens: Marea Neagră , Russies: Чёрное мо́рe Chornoye morye , Turks: Karadeniz , Oekraïns: Чорне море Chorne more ) is ’n binnesee wat omring word deur Europa, Anatolië en die Kaukasus.
| Swartsee | |
|---|---|
 Nasa-Satellietbeeld van die Swartsee | |
 Kaart van die Swartsee | |
| Koördinate: | 44°N 35°O / 44°N 35°O 35°O / 44°N 35°O |
| Ligging: | Bulgarye, Georgië, Oekraïne, Roemenië, Rusland, Turkye |
| Soort: | See van die Atlantiese Oseaan |
| Oppervlakte: | 436 402 km² (168 500 myl²) |
| Gemiddelde diepte: | 1 253 m (4 111 vt) |
| Maksimum diepte: | 2 212 m (7 257 vt) |
| Volume: | 547 000 km³ (131 200 myl³) |
| Lengte: | 1 175 km (730 myl) |
| Invloei: | Dnister, Dnjepr, Donau, Kızılırmak |
| Uitvloei: | Bosporus |
| Eiland/e: | 10+ |
| Nedersettings: | Batoemi, Boergas, Constanța, Jalta, Odessa, Sewastopol, Soechoemi, Sotsji, Trabzon, Warna |
Dit word met die Atlantiese Oseaan verbind deur die Middellandse en die Egeïese See en verskeie seestrate: Die Bosporus-seestraat verbind dit met die See van Marmara, en dié word deur die Dardanelle-seestraat verbind met die Egeïese See, wat deel is van die Middellandse See. Dié watermassas is die skeiding tussen Oos-Europa en Wes-Asië. Die Swartsee is ook aan die See van Azof verbind deur die Kertsj-seestraat.
.jpg)
,_with_skyline_of_Batumi_on_the_horizon.jpg)
Grootte
Die Swartsee het ’n oppervlakte van 436 402 km², ’n maksimum diepte van 2 212 m en ’n volume van 547 000 km³.
Die naam
Die Swartsee is een van vier seë wat in Afrikaans en ander tale ná kleure genoem is – die ander is die Geel-, Rooi- en Witsee. Die rede vir die "kleurterm" as naam kan ’n antieke toewysing van kleure aan die windrigtings wees: swart het noord aangedui, rooi suid en geel oos.
’n Ander verduideliking is die kleur van die Swartsee se diep water. Dit is verder noord en minder sout as die Middellandse See en daarom is die konsentrasie van alge veel hoër, en dit veroorsaak die donker kleur. Sigbaarheid in die Swartsee is gemiddeld 5 meter in vergelyking met 35 meter in die Middellandse See.
Stede en dorpe langs die kus
| Nedersetting | Huidige land | Oorspronklike land | Besonderhede |
|---|---|---|---|
| Albena | Bulgarye | ||
| Batoemi | Georgië | ||
| Boergas | Bulgarye | ||
| Constanța | Roemenië | ||
| Jalta | Rusland | Oekraïne | Op die Krim |
| Kertsj | Rusland | Oekraïne | Op die Krim |
| Noworossiisk | Rusland | ||
| Odessa | Oekraïne | ||
| Samsun | Turkye | ||
| Sewastopol | Rusland | Oekraïne | Op die Krim |
| Soechoemi | Abchasië | Georgië | |
| Sotsji | Rusland | ||
| Sozopol | Bulgarye | ||
| Trabzon | Turkye | ||
| Warna | Bulgarye | ||
| Zonguldak | Turkye |
Verwysings
Eksterne skakels
- Wiki Afrikaans
Wiki Commons het meer media in die kategorie Swartsee. - (en) Ruimte-monitering van die Swartsee se kuslyn en water Geargiveer 3 Oktober 2014 op Wayback Machine
- (en) Foto's Geargiveer 26 Desember 2008 op Wayback Machine
| Hierdie artikel is in sy geheel of gedeeltelik vanuit die Engelse Wiki vertaal. |
This article uses material from the Wikipedia Afrikaans article Swartsee, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.