L mar Negro ye un mar anterior antre l sudeste de la Ouropa i la Ásia Menor.
Coneta-se cul Mar Mediterráneo pul Bósforo i l Mar de Mármara, i al Mar de Azov pul streito de Kerch.
Hai un amportante fluxo de auga atrabeç de l Bósforo, 200 kn³ por anho i de auga doce de las árias adjacentes, specialmente de la Ouropa Central i Ouriental, totalizando 320 kn³ por anho. L riu más amportante a zaguar ne l Mar Negro ye l Danúbio. L Mar negro ten ua ária de 422 000 kn² i ua perfundidade mássima de 2210 n.
Ls países que costeian l Mar Negro son la Turquia, Bulgária, Roménia, Ucránia, Rússia i Geórgia. La península de la Criméia ye ua república outónoma de la Ucránia.
Las cidades más amportantes al lhongo de la cuosta ancluen Istambul (antigamente Custantinopla i Bizáncio), Burgas, Barna, Custança, Ialta, Odessa, Mykolaiv, Sebastopol, Batumi, Trebizonda, Samsun i Zonguldak.
L nome "mar negro" se dá debido a la persença de grande quantidade de sales minerales que dan ua coloraçon scura. Fui coincido puls griegos cumo Punto Euxino, i puls turcos i turcomanos cumo Karadeniz.
This article uses material from the Wikipedia Mirandés article Mar Negro, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Cuntenido çponibelizado ne ls termos de la CC BY-SA 4.0, salbo andicaçon an cuntrairo. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Mirandés (DUHOCTRUNGQUOC.VN) is an independent company and has no affiliation with Wiki Foundation.