अफ्रिकी सङ्घ

अफ्रिकी सङ्घ अरबी: الاتحاد الأفريقي फ्रान्सेली: Union africaine पोर्तुगाली: União Africana स्पेनी: Unión Africana स्वाहिली: Umoja wa Afrika
झन्डा निशान छाप
आदर्श वाक्य: "एकीकृत र बलियो अफ्रिका"
राष्ट्रिय गान: "आउनुहोस् हामी सबै एकजुट होऔँ र एकसाथ उत्सव मनाऔँ" (धुन)
सदस्य राष्ट्रहरू       निलम्बित राष्ट्रहरू
राजनीतिक केन्द्र	अदिस अबाबाक योहानेसबर्गख
सबैभन्दा ठुलो महानगरीय क्षेत्र	कायरो लागोस
कार्यकारी भाषाहरू	अरबी अङ्ग्रेजी फ्रान्सेली पोर्तुगाली स्पेनी किस्वाहिली
रैथाने(हरू)	अफ्रिकी
किसिम	महादेशीय सङ्घ
सदस्य	५५ सदस्य राष्ट्रहरू
नेताहरू
• अध्यक्ष	म्याकि साल
• आयोगको अध्यक्ष	मौसा फाकी
• संसदीय अध्यक्ष	रोजर नेक्दो दाङ
व्यवस्थापिका	पान-अफ्रिकी संसद्
स्थापना
• एकता सङ्गठनको बडापत्र	२५ मे १९६३
• अबुजा सन्धि	३ जुन १९९१
• सिर्ते घोषणा	९ सेप्टेम्बर १९९९
• अफ्रिकी सङ्घको स्थापना	९ जुलाई २००२
• दक्षिण सुडानको स्वीकृति	९ जुलाई २०११
• मोरोक्कोको स्वीकृति	३१ जनवरी २०१७
• अफ्रिकी महादेश स्वतन्त्र व्यापार क्षेत्र	१ जनवरी २०२१
क्षेत्रफल
• जम्मा	२,९९,२२,०५९ किमी२ (१,१५,५२,९७२ वर्ग माइल)
जनसङ्ख्या
• सन् २०२० अनुमानित	१,३२,१०,००,०००
कुल ग्राहस्थ उत्पादन (क्रय शक्ति समता)	सन् २०१० लगत
• जम्मा	$७.५७३ खर्ब
• प्रति व्यक्ति	$५,७३३
कुल ग्राहस्थ उत्पादन (साङ्केतिक)	सन् २०२० लगत
• जम्मा	$२.५८७ खर्ब
• प्रति व्यक्ति	$१,९५८
मानव विकास सूचकाङ्क (सन् २०२०)	०.५७७ मध्यम
इन्टरनेट डोमेन	डटअफ्रिका
वेबसाइट au.int

अफ्रिकी सङ्घको सचिवालय, अफ्रिकी सङ्घ आयोग, अदिस अबाबामा आधारित छ। यसको सबैभन्दा ठूलो सहर नाइजेरियाको लागोस हो, जबकि सबैभन्दा ठूलो सहरी क्षेत्र कायरो, इजिप्ट हो। अफ्रिकी सङ्घमा १.३ अर्ब भन्दा बढी जनसङ्ख्या रहेको छ र यसको क्षेत्रफल लगभग २.९ करोड वर्ग किलोमिटर (१.१ करोड वर्ग माइल) रहेको छ। यसमा सहारा र नाइल नदी जस्ता लोकप्रिय विश्व स्थलहरू समावेश छन्। प्राथमिक कामकाजी भाषाहरूमा अरबी, अङ्ग्रेजी, फ्रान्सेली, पोर्तुगाली, स्पेनी र किस्वाहिली हुन्। अफ्रिकी सङ्घ भित्र, शान्ति र सुरक्षा परिषद् र पान-अफ्रिकी संसद जस्ता आधिकारिक निकायहरू छन्।

अफ्रिका र अफ्रिकी टापुहरूमा आधारित सबै संयुक्त राष्ट्र सङ्घका सदस्य राष्ट्रहरू अफ्रिकी सङ्घका सदस्यहरू हुन्, जस्तै सहरावी अरब प्रजातान्त्रिक गणतन्त्र आंशिक रूपमा मान्यता प्राप्त राज्य हो। पश्चिमी सहारामाथि सार्वभौमिकताको दाबी गर्ने मोरोक्कोले सन् १९८४ मा सहरावी अरब प्रजातान्त्रिक गणतन्त्रलाई सदस्यको रूपमा स्वीकार गरेको कारण अफ्रिकी एकता सङ्गठनबाट पछि हटेको थियो। ३० जनवरी २०१७ मा, यसले मोरोक्कोलाई सदस्य राष्ट्रको रूपमा पुन: प्रवेश गराएको थियो। सोमालिल्यान्ड सन् २००५ मा अफ्रिकी सङ्घमा सामेल हुनको लागि आवेदन दिएको थियो जुन अझै पनि विचाराधीन अवस्थामा रहेको छ।

मालीलाई २०२० अगष्ट १९ मा अफ्रिकी सङ्घबाट निलम्बन गरिएको थियो। ९ अक्टोबरमा, अफ्रिकी सङ्घको शान्ति र सुरक्षा परिषद्ले मालीमाथि लगाइएको निलम्बन फुकुवा गरेको थियो। नौ महिनाभित्र दोस्रो सैन्य कू पछि १ जुन २०२१ मा मालीलाई पुनः निलम्बित गरिएको थियो।

२०२१ सेप्टेम्बर १० मा अफ्रिकी सङ्घले गिनीका राष्ट्रपति अल्फा कोन्देलाई सत्ताच्युत गरेपछि गिनीको सदस्यता पनि निलम्बन गरेको थियो।

सैन्य कूले प्रधानमन्त्री अब्दल्ला हम्दोकको नेतृत्वमा रहेको नागरिक सरकारलाई अपदस्थ गरेसँगै २०२१ अक्टोबर २७ मा अफ्रिकी सङ्घले सुडानको सदस्यता पनि निलम्बन गरेको थियो।

३१ जनवरी २०२२ मा भएको सैन्य कूपछि अफ्रिकी सङ्घले बुर्किना फासोको सदस्यता निलम्बन गरेको थियो।

पर्यवेक्षकहरू

•   इजरायल
•   कजाख्स्तान
•   मेक्सिको
•   टर्की
•   संयुक्त अरब इमिरेट्स