टोगो

टोगो आधिकारिक रूपमा गणतन्त्र टोगो (फ्रान्सेली: République togolaise), पश्चिम अफ्रिकामा अवस्थित एक देश हो। यसको सीमाना पश्चिममा घाना, पूर्वमा बेनिन र उत्तरमा बुर्किना फासो रहेको छ। यो देश दक्षिणमा गिनीको खाडीसम्म फैलिएको छ, जहाँ यसको राजधानी र सबैभन्दा ठूलो सहर लोमे अवस्थित छ। टोगोले ५७,००० वर्ग किलोमिटर (२२,००८ वर्ग माइल) ओगटेको छ। यो अफ्रिकाको सबैभन्दा सानो देशहरू मध्ये एक हो। यसको जनसङ्ख्या लगभग ८० लाख रहेको छ। साथै, घाना र यसको ठूलो पूर्वी छिमेकी बेनिन बीचमा ११५ किमी (७१ माइल) भन्दा कम चौडाइ भएको विश्वकै सबैभन्दा साँघुरो देशहरू मध्ये एक हो।