Soendanees
Soendanees (ᮘᮞ ᮞᮥᮔ᮪ᮓ, Basa Sunda; letterlik: taal van Soenda) is 'n Maleis-Polinesiese taal wat in Suidoos-Asië in die westelike derde van die eiland Java van Indonesië gepraat word.
- Hierdie artikel handel oor die taal in Suidoos-Asië. Vir die etniese groep, sien Soendanese.
Die taal word tans deur sowat 34 miljoen mense gepraat, hoofsaaklik Soendanese, omtrent 15% van Indonesië se totale bevolking, en is daarmee na Indonesies/Maleis en Javaans die derde belangrikste taal van Indonesië, maar geniet nie ampstaalstatus nie.
| Soendanees ᮘᮞ ᮞᮥᮔ᮪ᮓ, Basa Sunda | ||
|---|---|---|
| Gepraat in: |  Indonesië | |
| Gebied: | Suidoos-Asië | |
| Totale sprekers: | 34 miljoen | |
| Taalfamilie: | Austronesies Maleis-Polinesies Kern-Maleis-Polinesies Soenda-Sulawesi Soendanees | |
| Skrifstelsel: | Javaanse skrif (histories) Latyns (tans) Pranagari (histories) Pegon (godsdienstige gebruik) Soendanees (tans) Vatteluttu (histories) | |
| Taalkodes | ||
| ISO 639-1: | su | |
| ISO 639-2: | sun | |
| ISO 639-3: | sun | |
| Nota: Hierdie bladsy kan IFA fonetiese simbole in Unicode bevat. | ||
Soendanees is verwant aan Balinees, Bandjarees, Chamorro, Indonesies/Maleis, Javaans, Madoerees, Minangkabau en Palauaans. Dit is ietwat minder verwant aan Filippynse tale soos Cebuano en Tagalog (Filippyns) en het daarnaas nog 'n los verbintenis met Malgassies in Madagaskar.
Soendanees word soms as 'n dialek van Maleis beskou, maar dit word nie algemeen aanvaar nie, hoewel die Maleise taal 'n groot invloed op Soendanees uitgeoefen het. Dit word met die Latynse of die Arabiese alfabet geskryf. Vroeër is ook die Javaanse skrif, 'n Brahmi-skrif uit die Indiese skriffamilie, gebruik. Dit is verwant aan die Balinese skrif van die Balinese taal.
Verwysings
Eksterne skakels
- Wiki Afrikaans
Wiki Commons het meer media in die kategorie Soendanees.
Wikiwoordeboek het 'n inskrywing vir Soendanees.
 | Hierdie artikel oor 'n taal, taalgroep of taalfamilie is slegs 'n saadjie. Jy kan help deur dit uit te brei. |
This article uses material from the Wikipedia Afrikaans article Soendanees, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.