Wiki Afrikaans 2022: Carles Puigdemont
AFVietnameseEnglish

Akademia

Akademia: Suid-Afrikaanse privaat verskaffer van hoëronderwys in Afrikaans

Akademia is ’n Suid-Afrikaanse privaat verskaffer van hoëronderwys in Afrikaans. Dit vorm deel van die Solidariteit Beweging en is in 2011 gestig. Marthinus Visser dien as die besturende direkteur van Akademia en prof. Danie Goosen as akademiese hoof[1].

Akademia
Akademia Logo.png

Leuse:AD FUTURUM PER FONTES
Leuse in Afrikaans:Na die toekoms deur die bronne
Gestig:2011; 11 jaar gelede (2011)
Tipe:Privaat
Befondsing:Geen staatsbefondsing
Dekaan:Dr. Rachel Maritz Prof. Hannes Rautenbach Prof. Pieter Duvenage Prof. Gawie du Toit
Personeel:196
Studentetal:2,500 studente
Ligging:Centurion, Pretoria, Gauteng
Webtuiste:akademia.ac.za

Weens druk op voormalige Afrikaanse tersiêre instellings om Engels in plek van Afrikaans as voertaal aan te neem[2] het die Afrikaanse hoëronderwysaanbod gekrimp in Suid-Afrika en Akademia poog om hierdie gaping te vul. Akademia se voertaal is dienooreenkomstig Afrikaans. Akademia is geakkrediteer deur die Hoër Onderwyskwaliteitskomitee van die Raad op Hoëronderwys in Suid-Afrika. Studente aan Akademia het vanaf 2021 bedags begin klas draf op die Centurion-kampus, waar hulle op ʼn tradisionele wyse onderrig word deur ʼn dosent wat fisies in die klas teenwoordig is. Akademia bestaan tans uit vyf fakulteite wat verskeie grade, hoër sertifikate en nagraadse en gevorderde diplomas deur middel van die voltydse kontakmodel of nauurse onderrigmodel aanbied.

Fakulteite

Fakulteit Ekonomiese en Bestuurswetenskappe

Die Fakulteit Ekonomiese en Bestuurswetenskappe bied tans tien kwalifikasies aan en twee bykomende kwalifikasies, 'n honneursgraad in Ondernemingsbestuur en 'n meestersgraad in Besigheidsadministrasie, is in die pyplyn[3]. Dr. Rachel Maritz is die dekaan van die Fakulteit Ekonomiese en Bestuurswetenskappe.

Die volgende kwalifikasies word tans deur die fakulteit aangebeid:

Voltydse Kontakmodel

  • BCom (Finansiële & Bestuursrekeningkunde)
  • BCom (Ekonomie & Regte)
  • BCom (Ondernemingsbestuur)

Nauurse Onderrigmodel

  • BCom (Bestuursrekeningkunde)
  • BCom (Ekonomie & Regte)
  • BCom (Finansiële Beplanning)
  • BCom (Ondernemingsbestuur)
  • Hoër Sertifikaat in Kantooradministrasie (Algemeen of Projekadministrasie)
  • Hoër Sertifikaat in Rekeningkunde
  • Nagraadse Diploma in Belasting
  • Nagraadse Diploma in Bestuursrekeningkunde
  • Gevorderde Diploma in Projekbestuur

Fakulteit Geesteswetenskappe

Die Fakulteit Geesteswetenskappe bied tans twee kwalifikasies aan en twee ander kwalifikasies, BA (Tale) en BA (Kultuurwetenskappe), sal in die toekoms by die aanbod gevoeg word[4]. Prof. Pieter Duvenage is die dekaan van die Fakulteit Geesteswetenskappe.

Die volgende kwalifikasies word tans deur die fakulteit aangebied:

Voltydse Kontakmodel

  • BA (Kommunikasie en Joernalistiek)
  • BSocSci (Politiek, Filosofie & Ekonomie)

Nauurse Onderrigmodel

  • BSocSci (Politiek, Filosofie & Ekonomie)

Fakulteit Natuurwetenskappe

Die Fakulteit Natuurwetenskappe het hul eerste kwalifikasie, BSc (Wiskundige Wetenskappe), in 2021 bekendgestel en beplan om drie nuwe kwalifikasies in die toekoms aan te bied saam met die bestaande kwalifikasies naamlik: BSc (Fisiese Wetenskappe), BSc (Biologiese Wetenskappe) en BAgric (Landbou)[5]. Prof. Hannes Rautenbach is die dekaan van die Fakulteit Natuurwetenskappe.

Die volgende kwalifikasie word tans deur die fakulteit aangebied:

Voltydse Kontakmodel

  • BSc (Wiskundige Wetenskappe)
  • BSc (Rekenaarwetenskappe)[6]

Fakulteit Regsgeleerdheid

Die Fakulteit Regsgeleerdheid bied tans een kwalifikasie aan, Baccalaureus Legum (LLB), en daar word beplan om BA (Regte) by die aanbod te voeg[7]. Prof. Pieter Duvenage dien op die oomblik as die waarnemende dekaan van die Fakulteit Regsgeleerdheid.

Die volgende kwalifikasie word tans deur die fakulteit aangebied:

Nauurse Onderrigmodel

  • Baccalaureus Legum (LLB)

Fakulteit Opvoedkunde

Die Fakulteit Opvoedkunde bied tans drie kwalifikasies aan naamlik die Nagraadse Onderwyssertifikaat (NGOS) - Senior Fase- en VOO-onderwys, en BEd-kwalifikasies vir Grondslag- en Intermediêre Fase. Prof. Gawie du Toit is die dekaan van die Fakulteit Opvoedkunde.

Die volgende kwalifikasie word tans deur die fakulteit aangebied:

Nauurse Onderrigmodel

  • Nagraadse Onderwyssertifikaat (NGOS) - Senior Fase- en VOO-onderwys


Voltydse Kontakmodel

  • BEd (Grondslagfase-onderwys)
  • BEd (Intermediêre Fase-onderwys)

Toekomstige Fakulteite

Daar word beplan dat die Fakulteit Gesondheidswetenskappe BNur (Verpleegkunde) sal aanbied sodra die nodige akkreditasie verkry is[8]. Verder word daar beplan dat die Fakulteit Ingenieurswese teen 2026 drie kwalifikasies, BIng (Bedryfsingenieurswese), BIng (Energie-ingenieurswese) en BIng (Megatroniese Ingenierswese), sal aanbied[9].

Studiesentrums

Akademia se studiesentrums verskil effens van die tradisionele universiteitskampus deurdat dit hoofsaaklik van tegnologie en afstandleer gebruik maak. Studente het by hierdie studiesentrums toegang tot gratis internet om van die aanlyngeriewe soos "Die Spens" (Akademia se aanlynstelsel) gebruik te maak. Verder kan die studente ook konferensies en klasse digitaal bywoon by hierdie sentrums.

Akademia het tans 'n landswye netwerk van studiesentrums.

    Studiesentrums volgens plek
NaamStadProvinsieBesonderhede
BellvilleBellvilleWes-Kaap
BloemfonteinBloemfonteinVrystaat
CenturionCenturionGautengDie oorspronklike studiesentrum asook die hoofkantoor van Akademia
GeorgeGeorgeWes-Kaap
KrugersdorpKrugersdorpGauteng
PaarlPaarlWes-Kaap
Pretoria-LynnwoodPretoriaGauteng
Pretoria-Die MootPretoriaGauteng
SomersetwesKaapstadWes-Kaap
VanderbijlparkVanderbijlparkGauteng

Kampusse

Centurion-kampus

Akademia het op 15 Maart 2021 'n tussentydse kampus in Centurion in gebruik geneem waar voltydse studente klasse bywoon. Die Centurion-kampus beskik oor 'n kafeteria, kliëntedienssentrum, biblioteek en behuising vir voltydse studente[10].

Pretoria-Oos-kampus

Akademia besit 'n gebied van ongeveer 220 hektaar in die ooste van Pretoria waar daar beplan word om 'n nuwe residensiële kampus te bou[11]. Daar word beoog dat die kampus teen 2025 in gebruik geneem sal word en dat dit 5000 voorgraadse en 2000 nagraadse studente sal huisves[12].

Buitelandse studente

Vanaf 2021 kan Afrikaanssprekendes in die buiteland ook aan Akademia studeer.[13]

Verwysings

  1. https://akademia.ac.za/personeel/akademie/bestuur/#_bestuurspan. Akademia. Besoek op 27 Mei 2021.
  2. IOL (Independent Online). ""Afrikaans must fall at Tuks – EFF"" (in Engels). Geargiveer vanaf die oorspronklike op 4 Julie 2017. Besoek op 17 Februarie 2016.
  3. https://akademia.ac.za/toekomsmusiek/ekonomiese-bestuurswetenskappe/#fakulteitgroei. Akademia. Besoek op 27 Mei 2021.
  4. https://akademia.ac.za/toekomsmusiek/geesteswetenskappe/#_fakulteitgroei. Akademia. Besoek op 27 Mei 2021.
  5. https://akademia.ac.za/toekomsmusiek/natuurwetenskappe/#fakulteitgroei. Akademia. Besoek op 27 Mei 2021.
  6. https://akademia.ac.za/bsc-rekenaarwetenskappe/ Akademia. Besoek op 30 Junie 2022
  7. https://akademia.ac.za/toekomsmusiek/regsgeleerdheid/#fakulteitgroei. Akademia. Besoek op 27 Mei 2021.
  8. https://akademia.ac.za/toekomsmusiek/gesondheidswetenskappe/#fakulteitgroei. Akademia. Besoek op 27 Mei 2021.
  9. https://akademia.ac.za/toekomsmusiek/ingenieurswese/#fakulteitgroei. Akademia. Besoek op 27 Mei 2021.
  10. https://akademia.ac.za/studiesentrums/. Akademia. Besoek op 27 Mei 2021.
  11. https://www.youtube.com/watch?v=F3zj-I51MWc. Morning Shot. Onderhoud oorspronklik in Engels. Besoek op 27 Mei 2021.
  12. https://akademia.ac.za/toekomsmusiek/. Akademia. Besoek op 27 Mei 2021.
  13. https://maroelamedia.co.za/goeiegoed/goeie-nuus/wereldgehalte-onderrig-wereldwyd-in-afrikaans/ Opgespoor en besoek op 2 November 2020

Sien ook

Eksterne skakels