Siya Kolisi: Suid-Afrikaanse rugbyspeler
Siya Kolisi (gebore op 16 Junie 1991 in Zwide, Port Elizabeth/Gqeberha) is 'n Springbokrugbyspeler wat vir die Sharks in die Verenigde Rugbykampioenskap speel.
Hy het voorheen die Westelike Provinsie in die Curriebeker en die Stormers in Superrugby verteenwoordig en was ook die kaptein van die span. Hy was ook 'n lid van Suid-Afrika se span tydens die rugbywêreldbekertoernooie in 2015, 2019 en 2023.
| |||||
 | |||||
| Siya Kolisi in 2022 | |||||
| Volle naam | Siyamthanda Kolisi | ||||
|---|---|---|---|---|---|
| Geboortedatum | 16 Junie 1991 | ||||
| Geboorteplek | Port Elizabeth, Suid-Afrika | ||||
| Lengte | 1,88 m | ||||
| Massa | 105 kg | ||||
| Skool | Hoërskool Grey, Port Elizabeth | ||||
| Beroep | Professionele rugbyspeler | ||||
| Rugbyloopbaan | |||||
| Loopbaan as speler | |||||
| Posisie(s) | Flank | ||||
| Springbokno. | 851 | ||||
| Provinsiale- / Staatspanne | |||||
| Jare | Klub / span | Weds | (pte) | ||
| 2011–2021 | Westelike Provinsie | 34 | (35) | ||
| korrek soos op 1 Julie 2023. | |||||
| Superrugby/Verenigde Rugbykampioenskap | |||||
| Jare | Klub / span | Weds | (pte) | ||
| 2012–2020 2021–hede | Stormers Sharks | 118 30 | (95) (20) | ||
| korrek soos op 1 Julie 2023. | |||||
| Nasionale span(ne) | |||||
| Jare | Land | Weds | (pte) | ||
| 2013–hede |  Suid-Afrika | 83 | (50) | ||
| korrek soos op 1 November 2023. | |||||
Vroeë lewe
Kolisi het grootgeword in Zwide, iBhayi, 'n township in Gqeberha. Kolisi se ma Phakama was 16 en sy pa Fezakele in sy laaste skooljaar toe Siya gebore is. Kolisi se ma is dood toe hy 15 was en sy oorlede ouma Nolulamile is nagelaat om hom groot te maak.
Op 12-jarige ouderdom het hy verkenners by 'n jeugtoernooi in Mosselbaai beïndruk en is hy 'n beurs aangebied by Grey Junior in Port Elizabeth. Daarna word hy 'n rugbybeurs aan die Grey High School aangebied, dieselfde hoërskool wat Suid-Afrikaanse krieketspeler Graeme Pollock en die Engelse rugbyspeler Mike Catt bygewoon het. Kolisi het gereeld vir die skool se eerstespan gespeel. Hy was ook deel van die Oostelike Provinsie se jeugopset tussen 2007 en 2009, deur aan die onder-16 Grant Khomoweek en onder-18 Cravenweek deel te neem, voordat hy weswaarts verskuif om by die Westelike Provinsie aan te sluit.
Verder het hy die SA Skolespan vir twee agtereenvolgende jare verteenwoordig.
Springbok en later ook kapteinskap
Kolisi het sy debuut vir die Springbokke op 16 Junie 2013 teen Skotland, in die Mbombela-stadion te Nelspruit gemaak. Op 28 Mei 2018 word Kolisi as die Springbokkaptein aangewys vir die inkomende toetse in Junie teen Engeland, in Johannesburg, Bloemfontein en Kaapstad. Hierdeur word hy die span se eerste swart kaptein in hul 130-jarige bestaan.
Gwijo-ritueel
As Kolisi, Lukhanyo Am en Makazole Mapimpi saam vir die Springbokke uitdraf, begin hulle dié taak met 'n ritueel: Hulle sing 'n tradisionele Gwijo-liedjie saam in hul moedertaal Xhosa.
Verwysings
Bronnelys
- (en) Jeremy Daniel, Siya Kolisi: Against All Odds, Jonathan Ball Publishers, 2018, ISBN 978-1868428649
- (en) Siya Kolisi, Rise, autobiography, HarperCollins, 2021, ISBN 978-0008431334
Eksterne skakels
| Wiki Commons bevat media in verband met Siya Kolisi. |
- Siya Kolisi by SARugby.co.za
- Siya Kolisi by www.genslin.us/bokke
- Stormersprofiel[dooie skakel]
- itsrugby profiel
| Voorafgegaan deur Pieter-Steph du Toit | Springbokkaptein 2018– | Opgevolg deur ' |
This article uses material from the Wikipedia Afrikaans article Siya Kolisi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.