Die komma (,) word hoofsaaklik gebruik om die leesbaarheid van 'n teks te verhoog.
Volgens die AWS (2017) dui dit die grense tussen bepaalde sinsdele aan, of maak dit die leser bedag op 'n kort pouse wat sinne in betekenisvolle dele verdeel.
Die komma skei woorde en frases wat nie in die res van die sin geïntegreer is nie, van die res van die sin. (AWS, 2017)
Bv: Johan, het jy my gehoor?
Bv: Nee, ek kan nie nou antwoord nie.
Bv: Dis mos wat jy gesê het, nie waar nie?
Bv: Wat jy ook al doen, ek gaan Saterdag die rugby kyk.
Bv: "Ek is moeg," sug sy, "vir slaai met elke ete."
Bv: Brood, melk en eiers is al wat jy hoef te koop.
Bv: In elk geval, ons sal weer met jou gesels.
Bv: Daar is baie stil tye, bv. Sondagmiddae.
Bv: Die restaurant bedien vis, hoender, varkvleis, ensovoorts.
Die komma word gebruik wanneer twee of meer sinne komplekse sinne vorm.
Bv: Vra vir haar, sy sal weet.
Bv: Hoe harder hulle probeer het om die situasie te beredder, hoe slegter het dit gegaan.
Bv: Hy wou niks sê nie, want hy was bang vir haar reaksie.
Bv: Indien ons genoeg geld maak, gaan eet ons sommer uit.
Die komma kan vir nadruk gebruik word om woorde of frases van die res van die sin te skei. Bv: Dit is, myns insiens, nie belangrik nie.
Die komma word nie ná die aanhef en groet in 'n brief of e-pos gebruik nie. Indien die aanhef of die groet egter op dieselfde reël as die res van die boodskap geplaas word, word dit met 'n komma van die res van die teks geskei.
Afrikaanse woordelys en spelreëls, 2017. Kaapstad: Pharos
This article uses material from the Wikipedia Afrikaans article Komma, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.