Javaans
Javaans (ꦧꦱꦗꦮ, Båså Jåwå, ; algemeen bekend as ꦕꦫꦗꦮ, cara jawa, ; letterlik: taal van Java) is 'n Maleis-Polinesiese taal wat in Suidoos-Asië op die eilande Java (vandaar die naam) en Bali van Indonesië, asook deur Javaanse emigrante in Oos-Timor, Maleisië, Singapoer, Republiek China, Hongkong, Australië, Nieu-Kaledonië, Nederland, Suriname en die Verenigde State van Amerika gepraat word.
- Hierdie artikel handel oor die taal. Vir die etniese groep, sien Javane.
Javaans is 'n baie ou taal – die oudste geskrewe Javaans dateer van 25 Maart 804. Die taal word tans deur sowat 84 miljoen mense gepraat, hoofsaaklik Javane, omtrent 42% van Indonesië se totale bevolking en is die grootste taal van Indonesië, maar geniet nie ampstaalstatus nie.
| Javaans ꦧꦱꦗꦮ, Båså Jåwå | ||
|---|---|---|
| Uitspraak: | [bɔsɔ dʒɔwɔ] | |
| Gepraat in: |  Indonesië | |
| Gebied: | Suidoos-Asië | |
| Totale sprekers: | 84 miljoen | |
| Taalfamilie: | Austronesies Maleis-Polinesies Kern-Maleis-Polinesies Soenda-Sulawesi Javaans | |
| Skrifstelsel: | Latynse alfabet (algemeen) Javaanse skrif (opsioneel) Pegon-alfabet (godsdienstige gebruik) | |
| Taalkodes | ||
| ISO 639-1: | jv | |
| ISO 639-2: | jav | |
| ISO 639-3: | jav | |
 | ||
| Nota: Hierdie bladsy kan IFA fonetiese simbole in Unicode bevat. | ||
Javaans is verwant aan Balinees, Boeginees, Chamorro, Indonesies/Maleis, Madoerees, Minangkabau, Palauaans en Soendanees. Dit is ietwat minder verwant aan Filippynse tale soos Cebuano en Tagalog (Filippyns) en het daarnaas nog 'n los verbintenis met Malgassies in Madagaskar.
Javaans word soms as 'n dialek van Maleis beskou, maar dit word nie algemeen aanvaar nie, hoewel die Maleise taal 'n groot invloed op Javaans uitgeoefen het. Dit word met die Latynse alfabet of die Javaanse skrif, 'n Brahmi-skrif uit die Indiese skriffamilie, geskryf. Laasgenoemde is verwant aan die Balinese skrif van die Balinese taal.
Javaans was eens saam met Boeginees en Maleis een van die tale van die Kaapse Maleiers in Suid-Afrika, toe hulle na die stigting van Kaapstad deur die Verenigde Oos-Indiese Kompanjie van Nederlands-Indië na die Nederlandse Kaapkolonie gebring is, maar dit is eers deur Nederlands vervang en het later tot Afrikaans ontwikkel.
Javaans word ook in Suriname gepraat.
Verwysings
Eksterne skakels
- Wiki Afrikaans
Wiki Commons het meer media in die kategorie Javaans.
Wikiwoordeboek het 'n inskrywing vir Javaans.- (en) "Javanese language". Encyclopædia Britannica. Besoek op 31 Augustus 2018.
 | Hierdie artikel oor 'n taal, taalgroep of taalfamilie is slegs 'n saadjie. Jy kan help deur dit uit te brei. |
This article uses material from the Wikipedia Afrikaans article Javaans, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.