Postmasburg: Dorp in Suid-Afrika
Postmasburg is 'n dorp in die Kalahariwoestyn van die provinsie Noord-Kaap (Suid-Afrika), wat veral as 'n sentrum van hematiet ystererts-, mangaan- en diamantmynbou bekend staan.
Histories was asbes en kieselgoer ook in die omgewing gemyn. Die Gatkoppiesmyn sowat vyf kilometer noord van Postmasburg is 'n belangrike argeologiese terrein. Opgrawings, wat hier gedoen is, het die bewys gelewer dat die Khoisan reeds omtrent die jaar 700 hier met mynbou besig was. Hulle het 'n rooi stof wat van die ystererts afkomstig was, genaamd blinkklip, gebruik om hul velle en gesigte te kleur. Blinkklip is spekulariet wat bestaan uit plaatagtige kristalle van hematiet wat 'n glans skynsel het.
Postmasburg | |
|---|---|
  Postmasburg Postmasburg se ligging in Noord-Kaap | |
| Koördinate: 28°19′0″S 23°04′0″O / 28.31667°S 23.06667°O 23°04′0″O / 28.31667°S 23.06667°O | |
| Land |  Suid-Afrika |
| Provinsie | Noord-Kaap |
| Distrik | ZF Mgcawu |
| Munisipaliteit | Tsantsabane |
| Stigting | 1892 |
| Regering | |
| • Tipe | Plaaslike Munisipaliteit |
| Oppervlak | |
| • Totaal | 158,41 km2 (61,16 vk. myl) |
| Bevolking (2011) | |
| • Totaal | 30 089 |
| • Digtheid | 190/km2 (500/vk. myl) |
| Rasverdeling (2011) | |
| • Wit mense | 7.4% |
| • Indiërs/Asiërs | 0.5% |
| • Bruin mense | 36.8% |
| • Swart mense | 54.6% |
| • Ander | 0.7% |
| Taal (2011) | |
| • Afrikaans | 53.9% |
| • Tswana | 33.6% |
| • Xhosa | 2.7% |
| • Sotho | 2.6% |
| • Ander | 7.2% |
| Poskode (strate) | 8420 |
| Poskode (posbusse) | 8420 |
| Skakelkode | 053 |
Die SA Leër se gevegsopleidingsgebied, Lohatlha, is 30 km noord van die dorp geleë.
Geskiedenis
Die dorp is in 1892 gestig en genoem na prof. Dirk Postma, die eerste predikant van die Gereformeerde Kerke in Suid-Afrika en die stigter van die GKSA se Teologiese Skool Burgersdorp, die voorloper van die Potchefstroomse Universiteit vir Christelike Hoër Onderwys (tans Noordwes-Universiteit). Die spoorlyn vanaf Kimberley het die dorp in 1930 bereik.
Omgewing
70 km suid van Postmasburg is die Witsand Natuurreservaat, wat oor die mooiste woestynsandduine beskik. Brulsand is 'n natuurwonder wat veral in die droë somermaande 'n brulgeluid maak as jy daarop loop by die hoë duine.
Sien ook
Bronne
- Rosenthal, Eric, Encyclopaedia of Southern Africa, Juta and Company Limited, Kaapstad en Johannesburg, 1978.
- Erasmus, B.P.J. (1995). Op Pad in Suid-Afrika. Jonathan Ball Uitgewers. ISBN 1-86842-026-4.
Verwysings
This article uses material from the Wikipedia Afrikaans article Postmasburg, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.