Boerboel
'n Boerboel is 'n Suid-Afrikaanse hond wat spesifiek vir waghonddoeleindes geteel is.
Die honde is geskiedkundig aangehou vir beskerming teen aanvalle van wilde diere.
 Boerboelreun met stomp stert | |||||||||||||||||||||||
| Ander name | (en) South African Mastiff | ||||||||||||||||||||||
|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
| Oorsprong | Suid-Afrika | ||||||||||||||||||||||
| |||||||||||||||||||||||
| |||||||||||||||||||||||
| Hond (Canis lupus familiaris) | |||||||||||||||||||||||
Rasgeskiedenis
Boerboelle is die enigste honde wat uitsluitlik in Suid-Afrika geteel is as waghonde. Dit word algemeen aanvaar dat die ras se oorsprong 'n kruis is tussen inheemse honde uit Afrika en spesies wat ingevoer is tydens die Europese vestiging in die Kaap. De Beers het in 1928 bullmastiff honde ingevoer om die myne te bewaak, welke ras ook gekruis was met boerboelle.
Voorkoms en karaktereinskappe
Hoewel daar verskeie verenigings bestaan wat boerboelle registreer, elk met hul eie rasstandaarde, is daar 'n algemene konsensus oor die mees opvallende aspekte.
Die boerboel is ’n groot hond met 'n indrukwekkende en ontsaglike, kragtige voorkoms. Die hond het 'n prominente en goed ontwikkelde spierstelsel met veerkragtige beweging. Die vel is dik, los met matige plooie op die voorkop. Die pels is kort en glad, met ’n digte haarbedekking oor die hele hond. Die erkende kleure is alle skakerings van geel, bruin, briekwa, of swart.
Die boerboel se kop is kort, breed, diep, blokkig en gespierd en met goed gevulde wange en kan swart gemaskerd wees.
Die mees gesogde karaktereienskap is die boerboel se getrouheid en gewilligheid om sy familie te beskerm (beskermingsdrang) as gevaar dreig. Ander eienskappe is gehoorsaamheid en intelligensie, met 'n selfversekerde en vreeslose houding.
Beperkings in die res van die wêreld
- In 2002 het Roemenië die invoer van die Boerboel verbied en die eienaarskap van die hond beperk.
- In 2010 is die Boerboel verban in Denemarke omdat dit 'n veghond sou wees.
- In 2011 het Rusland die Boerboel as 'n besonder gevaarlike ras aangewys, onderhewig aan verpligte registrasie en sertifisering.
- Die Oekraïne het die Boerboel as 'n gevaarlike hond geklassifiseer, onderworpe aan verpligte mikroskyfie, muilband en siviele aanspreeklikheidsversekering.
- Boerboele word ook verbied of beperk in
- Frankryk
- Fairfield, Iowa
- Maleisië
- Katar
- Genève, Switserland
- Mauritius
- Bermuda
- Singapoer—bestaande honde moet aanspreeklikheidsversekering van ten minste $100,000 hê, sterilisasie, mikroskyfie em muilband.
- Denemarke — boerboele moet te alle tye gemuilband en aan 'n leiband in die openbaar wees.
- Romenië — beperkings op eienaars (ouderdom bo 18, moet fisies en geestelik geskik wees om 'n boerboel aan te hou).
- Tunisië
- Faroëreilande
- Turks- en Caicoseilande
Eksterne skakels
| Wiki Commons bevat media in verband met Boerboel. |
- World Wide Boerboels Geargiveer 10 Mei 2012 op Wayback Machine
- Boerboel International
- Boerboels UK
- The UK Boerboel Club Geargiveer 16 Februarie 2014 op Wayback Machine
- SABBA USA Geargiveer 16 Oktober 2017 op Wayback Machine
- SABBA/SABT
- Kennel Union of South Africa Geargiveer 9 Junie 2010 op Wayback Machine
- Boerboel Breeders Australia
- Russian Boerboel Site
- Russian Boerboel Board Geargiveer 26 Mei 2013 op Wayback Machine
- The Norwegian Boerboel Assosiation Geargiveer 6 April 2012 op Wayback Machine
Verwysings
This article uses material from the Wikipedia Afrikaans article Boerboel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.