Devanagari

Dit word geskryf van links na regs, het nie hoof- en kleinletters nie en word onder meer uitgeken aan die horisontale lyn wat aan die bokant van volle letters loop. Dit is die hoofskrif wat gebruik word vir Hindi, Sanskrit en ’n hele paar ander tale.

Devanagari
Devanagari, vroeë 19de eeu.
Soort skryfstelsel	Abugida
Tyd gebruik	c. 1200 - hede
Rigting	Links na regs
Tale	Verskeie Indiese tale soos Hindi en Sanskrit
Stelsels
Moederstelsels	Proto-Sinaïties[a] Fenisies Aramees Brahmi Gupta Siddham Nagari Devanagari
ISO 15924	Deva, 315
Unicode	Devanagari, U+0900–U+097F U+A8E0–U+A8FF U+1CD0–U+1CFF
Notas
Hierdie bladsy kan fonetiese IFA-simbole of letters uit ander alfabette bevat [a] Daar is nie algemene ooreenstemming oor die Semitiese oorsprong van die Brahmi-skrifte nie.
Portaal    Skryfstelsels

Devanagari is deel van die Brahmi-skriffamilie van Indië, Nepal, Tibet en Suidoos-Asië. Dit is afgelei van die Nagari-skrif, wat weer afgelei is van die Goepta-skrif. Die gebruik van die naam "Devanagari" het redelik onlangs ontstaan en die naam "Nagari" word nog dikwels gebruik.

As ’n Brahmi-abugida is die basiese beginsel van Devanagari dat elke letter ’n konsonant voorstel, wat die ingeboude klinker schwa (/ə/) bevat. Die letter क word dus gelees as /kə/, die twee letters कन as /kənə/ en die drie letters कनय as /kənəjə/, ens. Ander klinkers word aangedui deur die vorm van die konsonante te verander.

As die skrif met die hand geskryf word, word die letters geskryf sonder die horisontale streep boaan, wat eers bygevoeg word as die hele woord voltooi is.

• Geskiedenis van die alfabet

• Masica, Colin (1991), The Indo-Aryan Languages, Cambridge: Cambridge University Press, ISBN 978-0-521-29944-2, http://books.google.com/books?id=J3RSHWePhXwC&printsec=frontcover&dq=indo-aryan+languages .
• Snell, Rupert (2000), Teach Yourself Beginner's Hindi Script, Hodder & Stoughton, ISBN 978-0-07-141984-0 

•   Hierdie artikel is vertaal uit die Engelse Wiki