Catharanthus

Hulle is algemeen bekend as kanniedoods. Daar is agt bekende spesies, waarvan sewe endemies op Madagaskar is. Een spesie, C. roseus, kom egter wydverspreid oor die wêreld voor. Die agtste spesie, C. pusillus, is inheems aan Indië en Sri Lanka. Die naam Catharanthus kom uit Grieks en beteken "suiwer blom".

Catharanthus
Catharanthus roseus.
Wetenskaplike klassifikasie
Koninkryk:	Plantae
(geen rang):	Angiosperms
(geen rang):	Eudicots
(geen rang):	Asterids
Orde:	Gentianales
Familie:	Apocynaceae
Genus:	Catharanthus G.Don
Tipespesie
Catharanthus roseus (L.) G. Don.
Sinonieme
Ammocallis Small

Hulle is meerjarige kruie met blare wat teenoor of amper teenoor mekaar geleë is. Die plante dra gewoonlik enkelvoudige blomme. Elk het ’n blomkelk met vyf, lang, smal lobbe en ’n kroon met ’n buisvormige keel en vyf lobbe.

Catharanthus roseus word as ’n sierplant in tuine gegroei. Verskeie kultivars is al gekweek vir blomme van baie skakerings van pienk, rooi, pers en wit, of in ligte skakerings met donker kele.

1. Catharanthus coriaceus Markgr. – Madagaskar
2. Catharanthus lanceus (Bojer ex A.DC.) Pichon – Madagaskar
3. Catharanthus longifolius (Pichon) Pichon – Madagaskar
4. Catharanthus ovalis Markgr. – Madagaskar
5. Catharanthus pusillus (Murray) G.Don. – Indië, Sri Lanka, Wes-Himalaja
6. Catharanthus roseus (L.) G.Don. – wydverspreid
7. Catharanthus scitulus (Pichon) Pichon – Madagaskar
8. Catharanthus trichophyllus (Baker) Pichon – Madagaskar

• Wiki Afrikaans  Wiki Commons het meer media in die kategorie Catharanthus.
• Wiki Afrikaans  Wikispecies het meer inligting verwant aan Catharanthus
•   Hierdie artikel is vertaal uit die Engelse Wiki