Grootrietrot
Die Grootrietrot (Thryonomys swinderianus) is 'n knaagdier wat voorkom aan die oostelike kusstreke van Suid-Afrika vanaf Oos-Londen, die Limpopo provinsie, Zimbabwe, Mosambiek en die Okavango Delta in Botswana.
Die Grootrietrot is nie 'n ware rot nie; slegs knaagdiere wat aan die genus Rattus behoort word beskou as rotte.
| Grootrietrot | |
|---|---|
 | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Suborde: | Hystricomorpha |
| Familie: | Thryonomyidae |
| Genus: | Thryonomys |
| Spesie: | T. swinderianus |
| Binomiale naam | |
| Thryonomys swinderianus (Temminck, 1827) | |
Bou en kleur
Die soogdier het growwe, stekelrige hare en 'n kort stert. Die rot is gespikkeld bruin oor die algemeen terwyl die onderkante 'n ligter grysbruin is. Die ken en keel is wit en die ore is byna toe onder die hare. Die snoet is verleng en die neus vorm 'n vlesige kussing wat in stampgevegte gebruik word. Die dier is groter as die Kleinrietrot. Die mannetjies (3.5 kg - 5.2 kg) is groter as die wyfies (3.4 kg - 3.8 kg).
Habitat en gewoontes
Hulle woon in rietbeddings en dele met lang gras naby permanente riviere en vleie. Die rot eet graag wortels, stingels en lote van grasse en riete. Hulle natuurlike vyande is die Tierboskat en die luislang. Hulle lewe in groepies van 8-10 maar loop gewoonlik alleen rond en is hoofsaaklik naglewend. Bedags rus hulle in digte plantegroei of in gate in die rivierwal. Die dier kan goed swem en vlug soms in die water in. Vier tot agt kleintjies word vanaf Augustus tot Desember gebore.
Sien ook
Bron
- Die Soogdiergids van Suider-Afrika. Burger Cillié. ISBN 978 1 875093 46 5. 2009.
Verwysings
This article uses material from the Wikipedia Afrikaans article Grootrietrot, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.