Die Mikojan-Goerewitsj MiG-29 (Russies Микоян МиГ-29) is 'n vierde-generasie vegvliegtuig wat in die Sowjetunie met die oog op lugoorheersing ontwerp is.
Nadat die MiG-29 in die 1970's deur die ontwerpateljee van Mikojan-i-Goerewitsj ontwikkel is, is dit in 1983 deur die Sowjetlugmag in gebruik geneem. Die vegvliegtuig is nog steeds in diens van die Russiese en talle ander lugmagte.
MiG-29 | |
---|---|
'n MiG-29 van die Duitse Lugmag oor die Golf van Meksiko | |
Tipe | Lugoorheersingvegter, meerdoelige vegter |
Vervaardiger | Mikojan |
Ontwerp deur | Mikojan |
Nooiensvlug | 6 Oktober 1977 |
Bekendstelling | Julie 1983 |
Status | In gebruik |
Hoofgebruikers | Russiese Lugmag Indiese Lugmag Poolse Lugmag Oekraïense Lugmag Siriese Lugmag |
Vervaardig | 1982–hede |
Aantal gebou | 1 600+ |
Eenheidskoste | VS$11 miljoen (MiG-29B, 1984, 1999) VS$29 miljoen (gemiddelde koste, 2009) |
Weergawes | MiG-29M MiG-29K MiG-35 |
In verslae van die Noord-Atlantiese Verdragsorganisasie (NAVO) word na die MiG-29 as Fulcrum verwys. Die Sowjet-vegvliegtuig is saam met die Su-27 ontwikkel om nuwe Amerikaanse vegvliegtuie soos die F-15 Eagle en die General Dynamics F-16 Fighting Falcon die hoof te bied.
Die enigste NAVO-lidstaat, wat MiG-29-vegvliegtuie voor die uitbreiding van die NAVO na Oos-Europa gebruik het, was Duitsland nadat 24 vliegtuie (20 MiG-29 A en 4 MiG-29 UB) ná die hereniging met die Duitse Demokratiese Republiek in 1990 van die Oos-Duitse Nationale Volksarmee ("Nasionale Volksleër") oorgeneem is. Ná 'n toetsfase en die ombou volgens NAVO-standaarde is die vegvliegtuie onder die nuwe naam MiG-29 G en GT ('n afkorting van German en German Trainer) deur die Duitse Lugmag (Luftwaffe) gebruik. Die vliegtuie is later aan Pole verkoop.
This article uses material from the Wikipedia Afrikaans article MiG-29, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.