I Sema dia olona resahina ao amin' ny Baiboly.
Zanak' i Nôa (na Nôe) sady rahalahin' i Hama (na Kama) sy Jafeta izy. Izy no razamben' i Ebera razamben' i Abrahama. Niaraka tamin' i Nôa rainy mbamin' ireo rahalahiny sy ny vadiny ary ireo vadin-drahalahiny tao anaty sambofiara izy nandritra ny safodrano nandripaka ny zava-manana aina teto ambonin' ny tany.
Indray andro, taorian' ny safodrano, raha mamon-divay i Nôa dia nampitafy lamba azy mba tsy hahita ny fitanjahany i Sema sy Jafeta, fa i Hama kosa efa nijery ny fitanjahan-drainy taohan' izany. Rehefa nisava ny hamamoan' i Nôa dia notsofiny rano i Sema sy i Jafeta ho lasa ho tompon' i Kanaana zanak' i Hama fa i Kanaana kosa ho andevon' izy ireo.
Ny zanak' i Sema dia i Elama sy i Asira (na Asora) sy i Arpaksada sy i Loda ary i Arama. I Jesoa dia voaliza fa taranak' i Sema.
Avy amin' ny anaran' i Sema ny anaram-bondrom-piteny atao hoe semitika na ny anaran' ny vondrom-poko atao hoe Semita.
This article uses material from the Wikipedia Malagasy article Sema, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.