Tody
Ny tody, eo amin' ny kolontsaina malagasy nentin-drazana, dia ny valy mifandanja amin' izay zavatra niniana natao, izay mety ho tsara na ratsy, ka izany valiny izany dia tsy maintsy mihatra amin' ilay nanatanteraka na amin' ny taranany.
Tsy maintsy mihatra ny tody noho ny maha valin' ny natao azy, ka tsy azo sakanana, tsy toy ny tsiny izay azo sorohina na alàna. Ny lamin-javatra nataon-Janahary mifehy ny zavatra rehetra no mampihatra ny tody araka ny rariny sy ny hitsiny.
Ohabolana momba ny tody
- Ny tody misy, ny atao koa miverin-drahateo.
- Ny tody tsy misy fa ny atao no miverina.
- Ny tsiny azo sorohina, fa ny tody tsy misy fanafana.
- Papango maty, vorom-boafandrika; mataho-tody aho, fa vorom-boavono.
Jereo koa
Boky azo anovozan-kevitra
- Andriamanjato (Richard), Le tsiny et le tody dans la pensée malgache, collection "Présence africaine", Paris 1957.
- Dahle (Lars Nilsen), Anganon' ny Ntaolo, 1971.
- Navone (P. Gabriel), Ny atao no miverina - Ethnologie et proverbes malgaches, Ed. Ambozontany, 1977.
- Rahajarizafy (Antoine de Padoue), Ny filozofia malagasy, Ed. Fianarantsoa, 1981 (toko faha-3, p.62).
- Razafintsalama (Adolphe), Ny finoana sy ny fomba malagasy, Ed. Md. Paoly Antananarivo, 1998.
Loharano sy fanamarihana
This article uses material from the Wikipedia Malagasy article Tody, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.