Fitodika Mpampanao
Ny fitodika mpampanao na fitodika mamoatra dia fitodiky ny fehezanteny misy lazaina manondro olona na zavatra manosika na maniraka na mahatonga olona na zavatra hafa hanatanteraka asa (na haneho toetra), na zavatra izay tsy inona fa antony ahataterahan' ny asa (na toetra) iray; atao hoe lazaina mpampanao.
Ny matoanteny dia miseho amin' ny endrika tsy mitovy amin' ny matoantenin' ny mpanao fa amin' ny endrika hafa atao hoe "matoantenin' ny mpampanao".
Amin' ny fiteny malagasy
Amin' ny fiteny malagasy, ny matoantenin' ny mpampanao dia saika hitovy amin' ny matoantenin' ny mpanao fa ahitana ny tsofoka -amp-.
Ohatra:
- Mampiadry omby an-dRabe i Koto (mpampanao) / Miandry omby Rabe (mpanao).
Amin' ny fiteny frantsay
Ny fiteny frantsay dia tsy manana matoanten' ny mpampanao amin' ny endrika manokana fa mampiasa ny matoanteny faire ("manao") na hafa hatao mpanampy.
Ohatra:
- Je lui ai fait repeindre le mur. ("Nampandokoiko azy indray ny rindrina").
Amin' ny fiteny anglisy
Ny fiteny anglisy koa dia tsy manana matoanteny amin' ny endrika manokana fa mampiasa ny matoanteny make (ara-bakiteny: "manao") sy have (ara-bakiteny: "manana") sy let (ara-bakiteny: "mamela") sy hafa hatao mpanampy.
Ohatra:
- She made me eat the soup. "Nampihinaniny ahy ilay lasopy".
- I had John close the window. "Nampanidiko an' i John ny varavaran-kely".
Jereo koa
This article uses material from the Wikipedia Malagasy article Fitodika mpampanao, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.