Voaniho

Ny voaniho dia isan' ny fianakavian' ny hazo palma (Arecaceae) ary izy ihany no hany karazana miaina, ilay karazana Cocos. Cocos nucifera no anarana ara-tsiansany.

Endriky ny voaniho

Ny vatany sy ny raviny

Miendrika varingarina manana savaivo 45 sm izy ary mety mahatratra 30 m ny haavony. eny amin’ ny tampony no misy ny raviny misandrahaka entin’ ny tahon-draviny miisa 20 any ho any, maniry miakatra avy eo mibiloka mianambany, izay manana halava eo anelanelan’ ny 3 m sy 4,5 m.

Ny voany

Ny voany dia maniry mitangorona miisa 10 hatramin’ ny mihoatra ny 20. Mirefy 30 sm eo ho eo ny voan’ ny voaniho rehefa lehibe. Miendrika boribory lavalava izany sady misy hodiny mafy toy ny vato voafono hodiny matevina be tsiratsiraka.

Fampiasana ny voaniho

Fampiasana ny voany

Miloko fotsy sady mitahiry menaka azo hanina na anaovana zavatra hafa (savony, labozia) ny nofom-boany poaka aty ao anatin’ izany hodiny izany. Ao anatin’ io nofony fihinana io dia misy ranony toy ny ronono sady mamimamy. Sakafo mahavelona ny nofom-boan’ ny voaniho any amin’ ireo faritra aniriany eto amin’ izao tontolo izao. Azo anamboarana doberam-boanio ny nofom-boany.

Fampiasana ny taova hafa

Azo anamboarana rindrina, tafo, tsihy, harona, satroka, sahafa, sns ny ravim-boanio maina. Ny tsiraka amin’ ny hodim-boan’ ny voaniho dia azo anamboarana tady sady azo aparitaka amin’ ny zaridaina hampahazo rivotra ny nofon-tany.

Jereo koa

This article uses material from the Wikipedia Malagasy article Voaniho, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.