'n Unesco-wêrelderfenisgebied is 'n spesifieke plek (soos 'n woud, bergreeks, meer, woestyn, gebou of stad) wat benoem is vir die internasionale wêrelderfenisprogram wat deur Unesco bedryf word.
Die program poog om terreine van besondere belang, kultureel of natuurlik, te katalogiseer, genoem en bewaar vir die gemene erfenis van die mensdom. Plekke op die lys kan fondse vanuit die Wêrelderfenisfonds ontvang onder sekere omstandighede. Die program is gestig deur die Convention Concerning the Protection of World Cultural and Natural Heritage wat aangeneem is deur die Algemene Konferensie van Unesco op 16 November 1972. Sedertdien het 192 lande hierdie konvensie geratifiseer, wat dit een van die mees voldoende internasionale instrumente ter wêreld maak. Net Liechtenstein, Nauru, Somalië en Tuvalu is geen party van die konvensie nie.
Teen 2023 is altesaam 1 199 gebiede ingesluit in die lys, waarvan 933 kultureel, 227 natuurlik en 39 gemengde plekke in 168 Staatspartye is. Italië het tans met 59 die meeste wêrelderfenisgebiede, gevolg deur die Volksrepubliek China (57), Duitsland en Frankryk (52 elk), Spanje (50), Indië (42), Meksiko (35) en die Verenigde Koninkryk (33). Daar is tans tien wêrelderfenisgebiede in Suid-Afrika.
Wiki Commons bevat media in verband met Wêrelderfenisgebied. |
This article uses material from the Wikipedia Afrikaans article Wêrelderfenisgebied, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.