Як світова дїдовизна ся означують розлічны културны і природны памяткы по цалім світї, котры были про свою унікатность выбраны орґанізаціёв ЮНЕСКО і прияты міджі тзв.
„список світовой дїдовизны“. На тім списку ся находять вшелиякы будовы, горы, озера, народны паркы і цалы міста. Подля Договору о охранї світовой културной і природной дїдовизны з року 1975 суть штаты договору, на котрых теріторії ся даны памяткы находять, завязаны їх охранов.
Критерии
Про объекты свѣтовой дѣдовизны становены наступны критерии. Памятка, регистрована в списѣ UNESCO мать одповѣдати найменше едному критерию.
(ii) представлять важну взаемну вымѣну (проникнѣня) людскых вартости, пересягуючых час або покрываючых културну область свѣта во вывою архитектуры або технологии, памяткового умѣлства, планованя мѣст, або вызераня краины;
(iii) приносить вынятковость, або хоть лем выняткове свѣдчѣня о културной традиции або цивилизации, котра еще е жива, або уже заникла;
(iv) е вынятковым примѣром типу будовы, архитектоничного або технологичного ансамблу або краины, котрый представлять вызнамну етапу людской истории;
(v) е вынятковым примѣром традичного людского заселѣня, выужитя землѣ або моря, котрый репрезентуе дану културу (або културы), або людску интеракцию зоз середовиском, наймя кедь ся локалита стала огроженов выслѣдком вплыву незвратных змѣн;
(vi) е прямо або непрямо споена з подѣями и животныма традициями, з идеями або вѣровызнанями, з умѣлецкыма и литературныма дѣлами выняткового универзалного вызнаму; (тот критерий мав бы ся переважно поужити едночасно з иншым або иншыма);
(vii) обсягуе незвычайны природны выказы або области вынятковой природной красы и естетичной вызначности;
(viii) е вынятковым примѣром, представляючым важны етапы вывоя Землѣ, включно зоз свѣдчѣнями живота, важных геологичных процесох, пробѣгаючых при вывою характеру терену, або е вызнамным геоморфологичным ци физиографичным утвором;
(ix) е вынятковым примѣром, представляючым вызнамны екологичны и биологичны процесы во вывою и розвою певнины, солодкых вод, приморскых и морскых екосистемох и груп ростинства и живины;
(x) обсягуе найважнѣйшы и закладны природны середовиска про захованя биологичной розмаитости in situ включно з тыма, котры обсягують огрожены виды вынятковой универзалной вартости з погляду наукы, або их охраны.
This article uses material from the Wikipedia Русиньскый article Світова дїдовизна ЮНЕСКО, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses. ®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.