18. Júní: Dagsetning

júní er 169. dagur ársins (170. á hlaupári) samkvæmt gregoríska tímatalinu. 196 dagar eru eftir af árinu.

• 860 - Um 200 skipa floti frá Garðaríki sigldi inn Bospórus og hóf að herja á Konstantínópel.
• 1000 - Gissur hvíti Teitsson og Hjalti Skeggjason komu að landi í Vestmannaeyjum með kirkjuvið frá Ólafi konungi Tryggvasyni. Þaðan héldu þeir til Alþingis á Þingvöllum til þess að boða kristni.
• 1040 - Hörða-Knútur var krýndur Englandskonungur.
• 1155 - Friðrik barbarossa var krýndur keisari hins Heilaga rómverska ríkis í Róm.
• 1199 - Sverrir Sigurðsson Noregskonungur gersigraði bagla í orrustunni í Strindafirði.
• 1361 - Smiður Andrésson hirðstjóri lét taka Árna Þórðarson, fyrrverandi hirðstjóra, af lífi í Lambey í Fljótshlíð vegna aftöku Markúsar barkaðar og fjölskyldu hans á sama stað 1360.
• 1531 - Friðarsamningar voru undirritaðir í Nice milli Karls 5. keisara og Frans 1. Frakkakonungs.
• 1638 - Friðarsáttmálinn í Berwick batt endi á fyrsta biskupastríðið í Bretlandi.
• 1651 - Hannibal Sehested var tekinn fyrir fjárdrátt og gert að segja sig úr danska ríkisráðinu.
• 1698 - Patrick Gordon og Alexej Sjein börðu streltsíuppreisnina niður.
• 1767 - Enski skipstjórinn Samuel Wallis varð fyrstur Evrópubúa til að líta eyna Tahítí augum svo víst sé.
• 1777 - Skipað var kauptún í Flatey á Breiðafirði.
• 1800 - Jarðamatsnefndin fyrir Ísland var skipuð.
• 1812 - James Madison Bandaríkjaforseti lýsti yfir stríði á hendur Bretlandi.
• 1815 - Orrustan við Waterloo var háð milli Frakka og Breta í Belgíu.
• 1900 - Íslendingar áttu þess í fyrsta skiptið kost að setjast upp í vagn, sem flutti þá landleiðis milli staða. Voru það hinir svonefndu póstvagnar. Tekið var til að flytja póst og farþega með fjórhjóla yfirbyggðum vögnum með tveimur hestum fyrir, aðallega um Suðurlandið.
• 1928 - Amelia Earhart lagði af stað í fyrsta Atlantshafsflug sitt frá Halifax.
• 1928 - Flugvél Roalds Amundsen hvarf yfir Barentshafi.
• 1936 - Kristján 10. konungur Íslands og Danmerkur kom til landsins með föruneyti sínu og ferðaðist norður í land og víðar.
• 1937 - Hermann Jónasson og Ólafur Thors mættust á hólmgöngufundi í Hólmavík í aðdraganda þingkosninga.
• 1944 - Hátíðahöld voru í Reykjavík í tilefni af stofnun lýðveldisins.
• 1954 - Valdaránið í Gvatemala 1954 hófst með innrás liðs sem bandaríska leyniþjónustan hafði þjálfað og vopnað undir stjórn Carlos Castillo Armas.
• 1970 - Edward Heath varð forsætisráðherra Bretlands eftir kosningasigur Breska íhaldsflokksins.
• 1971 - Lággjaldaflugfélagið Southwest Airlines hóf starfsemi sína í Bandaríkjunum.
• 1972 - Mannbjörg varð þegar togarinn Hamranes fórst út af Snæfellsnesi. Mikil réttarhöld urðu vegna slyssins.
• 1974 - Rauðsokkahreyfingin á Íslandi var gerð að félagi og tók upp stefnuskrá í sósíalískum anda sem varð til þess að margar konur yfirgáfu hreyfinguna.
• 1979 - Leoníd Bresnjev og Jimmy Carter undirrituðu Salt II-samninginn í Vínarborg.
• 1981 - Alnæmissmit greindist í fyrsta skipti í Los Angeles.
• 1982 - Argentínski einræðisherrann Leopoldo Galtieri sagði af sér.
• 1983 - Tíu íranskar konur, þar á meðal táningurinn Mona Mahmudnizhad, voru hengdar fyrir að aðhyllast Baháítrú.
• 1983 - Sally Ride varð fyrsta bandaríska konan sem fór út í geim með geimskutlunni Challenger.
• 1984 - Bandaríski útvarpsmaðurinn Alan Berg var myrtur af meðlimum samtakanna The Order.
• 1985 - Alþjóðlegur samningur Sameinuðu þjóðanna um afnám allrar mismununar gagnvart konum tók gildi á Íslandi.
• 1989 - Búrma tók upp opinbera heitið Mjanmar.
• 1991 - Sænska símafyrirtækið Televerket breytti nafni sínu í Telia.
• 1998 - Kinza Clodumar var settur af sem forseti Nárú með vantrausti.
• 1999 - Mótmæli gegn hnattvæðingu voru skipulögð um allan heim.

• 2000 - Vigdís Finnbogadóttir ræsti keppendur í Skippers d'Islande-siglingakeppninni í Paimpol í Frakklandi.
• 2001 - Norska olíufyrirtækið Statoil var skráð í Kauphöllina í New York.
• 2003 - Forsætisráðherra Finnlands, Anneli Jäätteenmäki, neyddist til að segja af sér eftir að hafa logið að þinginu.
• 2009 - Geimferðastofnun Bandaríkjanna sendi geimkönnunarfarið Lunar Reconnaissance Orbiter á braut um Tunglið.
• 2012 - Kínverska geimfarið Shenzhou 9 lenti við geimstöðina Tiangong-1. Kínverjar urðu þannig þriðja land heims sem tekist hafði að lenda geimfari við geimstöð á eftir Bandaríkjunum og Rússlandi.
• 2017 - Íranski byltingarvörðurinn skaut fjórum flugskeytum að bækistöðvum Íslamska ríkisins í Deir ez-Zor-umdæmi í Sýrlandi.
• 2017 - 64 fórust í miklum skógareldum í Portúgal.
• 2021 – Ebrahim Raisi var kjörinn forseti Írans.

• 1332 - Jóhann 5. Palaíológos, keisari Austrómverska ríkisins (d. 1391).
• 1625 - Giovanni Domenico Cassini, ítalskur stjörnufræðingur og verkfræðingur (d. 1712).
• 1787 - Gísli Konráðsson, íslenskur alþýðufræðimaður (d. 1877).
• 1790 - Ehrenreich Christopher Ludvig Moltke, stiftamtmaður á Íslandi og sendiherra Dana í Svíþjóð og Frakklandi (d. 1864).
• 1799 - Prosper Ménière, franskur læknir (d. 1862).
• 1845 - Gustav Storm, norskur sagnfræðingur (d. 1903).
• 1868 - Miklós Horthy, ríkisstjóri Ungverjalands (d. 1957).
• 1886 - George Mallory, enskur fjallgöngumaður (d. 1924).
• 1890 - Þorbergur Þorleifsson, íslenskur stjórnmálamaður (d. 1939).
• 1895 - Harue Koga, japanskur myndlistarmaður (d. 1933).
• 1901 - Anastasia, dóttir Nikulásar 2. Rússakeisara (d. 1918).
• 1902 - Helgi P. Briem, íslenskur sendiherra (d. 1981).
• 1920 - Mario Beccaria, ítalskur stjórnmálamaður (d. 2003).
• 1928 - Alfreð Jolson, biskup kaþólsku kirkjunnar á Íslandi (d. 1994).
• 1929 - Jürgen Habermas, þýskur heimspekingur.
• 1931 - Fernando Henrique Cardoso, fyrrverandi forseti Brasilíu.
• 1935 - Kristbjörg Kjeld, íslensk leikkona.
• 1939 - Jack Herer, bandarískur baráttumaður fyrir lögðleiðingu kannabiss (d. 2010).
• 1942 - Paul McCartney, breskur tónlistarmaður.
• 1942 - Thabo Mbeki, forseti Suður-Afríku.
• 1944 - Stefán Baldursson, leikstjóri, leikhússtjóri Leikfélags Reykjavíkur, Þjóðleikhússtjóri og óperustjóri.
• 1946 - Fabio Capello, ítalskur knattspyrnustjóri.
• 1949 - Lech Kaczynski, forseti Póllands (d. 2010).
• 1949 - Jaroslaw Kaczynski, pólskur þingmaður.
• 1954 - Tinna Gunnlaugsdóttir, leikkona og Þjóðleikhússtjóri.
• 1954 - Viðar Eggertsson, leikari, leikstjóri, leikhússtjóri Leikfélags Akureyrar og Útvarpsleikhússins.
• 1954 - Magnus Uggla, sænskur söngvari.
• 1957 - Vilborg Halldórsdóttir, íslensk leikkona.
• 1963 - Rumen Radev, forseti Búlgaríu.
• 1976 - Tatsuhiko Kubo, japanskur knattspyrnumaður.
• 1976 - Akinori Nishizawa, japanskur knattspyrnumaður.
• 1977 - Kaja Kallas, forsætisráðherra Eistlands.
• 1986 - Shusaku Nishikawa, japanskur knattspyrnumaður.
• 1988 - Josh Dun, bandarískur tónlistarmaður.
• 1989 - Pierre-Emerick Aubameyang, gabonskur knattspyrnumaður.
• 1990 - Rúnar Már Sigurjónsson, íslenskur knattspyrnumaður.

• 1188 - Ari Þorgilsson sterki, íslenskur goðorðsmaður.
• 1291 - Alfons 3. af Aragóníu (f. 1265).
• 1361 - Árni Þórðarson, íslenskur hirðstjóri, tekinn af lífi.
• 1629 - Piet Heyn, hollenskur sjóliðsforingi (f. 1577).
• 1680 - Samuel Butler, enskt skáld (f. 1612).
• 1811 - Jón Ólafsson, íslenskur fornfræðingur (f. 1731).
• 1871 - George Grote, enskur fornfræðingur (f. 1794).
• 1928 - Roald Amundsen, norskur landkönnuður (f. 1872).
• 1936 - Maxim Gorkí, rússneskur rithöfundur (f. 1868).
• 1937 - Gaston Doumergue, forseti Frakklands (f. 1863).
• 1956 - Þorleifur Jónsson, íslenskur alþingismaður og formaður Framsóknarflokksins (f. 1864).
• 1968 - Nína Tryggvadóttir, íslensk myndlistarkona (f. 1913).
• 1974 - Georgíj Zhúkov, sovéskur hershöfðingi (f. 1896).
• 1976 - Þórhallur Árnason, íslenskur sellóleikari (f. 1891).
• 1987 - Harold F. Cherniss, bandarískur fornfræðingur (f. 1904).
• 1987 - Alfreð Flóki, íslenskur myndlistarmaður (f. 1938).
• 1987 - Tryggvi Ófeigsson, íslenskur athafnamaður (f. 1896).
• 2010 - José Saramago, portúgalskur rithöfundur, (f. 1922).
• 2011 - Georg Guðni Hauksson, íslenskur listamaður, (f. 1961).
• 2011 - Frederick Chiluba, forseti Sambíu (f. 1943).
• 2011 - Clarence Clemons, bandarískur tónlistarmaður (f. 1942).