Wiki:Um verkefnið

Íslenska editions of Wiki, an online encyclopedia

  Íslenska Wikipedia í hnotskurn
  • Wiki keyrir á MediaWiki útgáfu 1.40.0-wmf.12 (5e56a31).
  • Hún hefur 55.180 alfræðigreinar og 143.370 síður í heildina.
  • Gerðar hafa verið 1.781.063 breytingar.
  • Það eru 3.223 skrár geymdar hér.
  • Það eru 88.481 skráðir notendur,
  • Þessar upplýsingar miðast við 19:28, 2 desember 2022 (UTC)
  • Uppfæra

Wiki er fjöltyngdur og frjáls alfræðivefur á vegum Wikimedia-stofnunarinnar sem allir geta breytt. Nafnið Wikipedia er samsetning orðanna wiki (havaíska. snögg) og encyclopedia (e. alfræðirit). Greinar Wikipediu tengjast innbyrðis með tenglum sem lesendur geta fylgt til að fá nánari skýringar á hugtaki sem kemur fyrir í textanum.

Wiki er samvinnuverkefni sjálfboðaliða af internetinu sem margir eru nafnlausir. Hver sem er með internettengingu getur skrifað grein á Wikipediu eða breytt efni sem er þar fyrir nema í undantekningartilfellum þar sem breytingar eru takmarkaðar til að koma í veg fyrir skemmdarverk. Höfundar Wikipediu geta skrifað nafnlaust, undir notendanafni sem þeir velja sér eða gefið upp fullt nafn.

Leiðarljós Wikipediu eru máttarstólparnir fimm. Samfélagið í kringum Wikipediu hefur þróað með sér frekari reglur og stefnumál með það markmið að bæta alfræðiritið en það er ekki skilyrði að þekkja þær allar áður en byrja er að skrifa fyrir Wikipediu.

Frá stofnun sinni árið 2001 hefur Wikipedia stækkað hratt og er nú orðin einn vinsælasti uppflettivefurinn á netinu. 470 milljónir gesta heimsóttu vefinn í febrúar 2012. Virkir höfundar eru ríflega 77.000 og greinarnar eru ríflega 22.000.000 á 285 tungumálum. 55.180 þeirra eru á íslensku en íslenska útgáfan hóf göngu sína 5. desember 2003.

Óháð aldri eða bakgrunni þá geta allir bætt við og breytt efninu hér, sett inn myndir eða annað margmiðlunarefni og bætt við vísunum til heimilda. Þú þarft ekki að framvísa prófskírteini eða sanna kunnáttu þína að öðru leyti. Framlög til Wikipediu standa eða falla á eigin forsendum og að sjálfsögðu er heilmikið grisjað úr sem ekki fellur að reglum vefsins, t.d. efni sem ekki er stutt áreiðanlegum heimildum, efni sem háð er takmörkunum höfundaréttar eða umdeilanleg umfjöllun um lifandi einstaklinga. Engin hætta er á því að breyting á síðu á Wikipediu skemmi vefinn. Hugbúnaður hans gerir það auðvelt að taka til baka breytingar og margir notendur vaka yfir breytingunum og tryggja að breytingar séu almennt til bóta. Smelltu einfaldlega á „breyta“ á einhverri breytanlegri síðu til þess að byrja.

Ólíkt prentuðum alfræðiorðabókum þá er Wikipedia síbreytilegt samvinnuverk sem er í stöðugri uppbyggingu. Greinar verða gjarnan til um fréttnæma viðburði nokkrum mínútum eftir að þeir verða opinberir en ekki eftir marga mánuði eða ár. Greinar hafa tilhneigingu til þess að vaxa og komast í meira jafnvægi eftir því sem þær eldast en nýjar greinar eru líklegri til þess að innihalda staðreyndavillur, hlutdræga umfjöllum eða skemmdarverk. Gott er að hafa þetta í huga þegar trúverðugleiki umfjöllunar á Wikipediu er metinn.

Það sem Wikipedia er ekki afmarkar það hvað á heima á Wikipediu og hvað ekki. Algengar spurningar veita frekari upplýsingar og Hjálp:Efnisyfirlit leiðir þig áfram ef þú vilt læra að breyta Wikipediu.

#Wikipedia® is a registered trademark of the Wikimedia Foundation, Inc. Wiki (Study in China) is an independent company and has no affiliation with Wikimedia Foundation.
This article uses material from the Wikipedia article Wiki:Um verkefnið, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply. (view authors). Efnið er aðgengilegt undir CC BY-SA 3.0 nema annað komi fram. Images, videos and audio are available under their respective licenses.