Gibbon

Die familie het histories uit net een genus bestaan, maar is nou verdeel in vier genera. Gibbons kom in tropiese en subtropiese reënwoude voor van Noordoos-Indië tot Indonesië en Noord- en Suid-China, insluitende die eilande Sumatra, Borneo en Java.

Gibbon
Hylobates lar-gibbons
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Primates
Superfamilie:	Hominoidea
Familie:	Hylobatidae (John Edward Gray, 1870)
Genera
Hylobates Hoolock Nomascus Symphalangus
Verspreiding in Suidoos-Asië

Gibbons is kleiner as die groot ape soos die sjimpansee, bonobo, gorilla, orangoetang en mens, en het ’n kleiner mate van geslagsdimorfie. In sekere opsigte stem hulle meer ooreen met die kleiner ape. Maar soos alle groot ape is die gibbon ook stertloos. ’n Verbintenis (Engels: bonding) kom ook tussen pare voor, anders as by die meeste van die groot ape. Gibbons het ’n spesifieke manier van voortbeweeg: hulle swaai van tak tot tak oor afstande van tot 15 m, teen snelhede van tot 55 km/h. Hulle kan ook tot 8 m hoog spring en op twee voete loop met hul arms opgelig vir balans. Hulle is die vinnigste, ratsste nie-vlieënde diere wat in bome woon.

Na gelang van die spesie en geslag, kan gibbons se haarkleur wissel van donker- tot ligbruin en van swart tot wit. Min van hulle is heeltemal wit.

 

 

Die familie word in vier genera verdeel volgens hul diploïede chromosoomgetal: Hylobates (44), Hoolock (38), Nomascus (52) en Symphalangus (50).

• Genus Hylobates
  • H. lar
    • H. l. lar
    • H. l. carpenteri
    • H. l. entelloides
    • H. l. vestitus
    • H. l. yunnanensis
  • H. albibarbis
  • H. agilis
  • H. muelleri
    • H. m. muelleri
    • H. m. abbotti
    • H. m. funereus
  • H. moloch
    • H. m. moloch
    • H. m. pongoalsoni
  • H. pileatus
  • H. klossii
• Genus Hoolock
  • H. hoolock
  • H. leuconedys
• Genus Symphalangus
  • S. syndactylus
• Genus Nomascus
  • N. annamensis
  • N. concolor
    • N. c. concolor
    • N. c. lu
    • N. c. jingdongensis
    • N. c. furvogaster
  • N. nasutus
  • N. hainanus
  • N. leucogenys
  • N. siki
  • N. gabriellae

• Gibbon-bewaringsentrum
• Gibbon-navorsingslaboratorium