გიბონისებრნი
გიბონისებრნი (Hylobatidae), მაიმუნების ოჯახი პრიმატების რიგისა.
აქვთ მეტად გრძელი წინა კიდურები, რომელთა შლილი 2 მ აღწევს და მცირე ზომის საჯდომი კორძები. კუდი და ლოყისუკანა პარკები არ გააჩნიათ. ოჯახში ორი გვარია სიამანგი და გიბონები (Hylobates). გიბონი აერთიანებს 6 სახეობას, რომელთა სხეულის სიგრძეა 40-64 სმ, წონა 4-8 კგ. გიბონისებრნი გავრცელებული არიან სამხრეთ ჩინეთში, ინდოჩინეთში, სუმატრაზე, იავაზე, კალიმანტანზე. ხროვებად ცხოვრობენ ხეებზე. წინა კიდურების მეშვეობით დახტიან ტოტიდან ტოტზე ან ხიდან ხეზე (აკეთებენ 10-12 მ სიგრძის ნახტომებს), დარბიან ხის ტოტებზე. იკვებებიან მცენარეების ნაყოფებით, ფოთლებით, მწერებით, ფრინველის კვერცხით და მართვებით. მაკეობა 7-8 თვეს გრძელდება. სქესობრივად 5-10 წლისანი მწიფდებიან. ცოცხლობენ 30-35 წლამდე.
| გიბონისებრნი | ||||||||||||
|---|---|---|---|---|---|---|---|---|---|---|---|---|
 | ||||||||||||
| მეცნიერული კლასიფიკაცია | ||||||||||||
| ||||||||||||
| ლათინური სახელი | ||||||||||||
| Hylobatidae | ||||||||||||
| გვარი | ||||||||||||
| ||||||||||||
ლიტერატურა
- ჯანაშვილი ა., ქსე, ტ. 3, გვ. 151, თბ., 1978
This article uses material from the Wikipedia ქართული article გიბონისებრნი, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.