Meervoud

'n Meervoud is die vorm van 'n selfstandige naamwoord wat dui op meer as een entiteit. In Afrikaans word dit meestal gevorm deur 'n agtervoegsel of 'n verbuiging van die enkelvoudvorm van die selfstandige naamwoord.

In Afrikaans is die lidwoord wat meervoude voorafgaan die. Die lidwoord 'n word nooit voor meervoude gebruik nie. In vele ander tale beïnvloed meervoudigheid ander woorde in die sin, maar in Afrikaans bly meeste ander woorde onveranderd met die gebruik van enkelvoud teenoor meervoud.

Voorbeelde in Afrikaans

Hier volg enkele voorbeelde van meervoude in Afrikaans:

hoofweg, hoofweë
vlag, vlae
hemp, hemde
voog, voogde
slagding, slaggoed
sakeman, sakemanne

Uitgang op -f

Wanneer 'n woord op 'n -f eindig, val die -f soms weg, dan sit ons 'n -we in plek van die -f, byvoorbeeld:

geloof, gelowe
stof, stowwe
hof, howe

Afkappingsteken

Sekere woorde kry 'n afkappingsteken (of apostroof) ( ' ) voor die s (gewoonlik wanneer die enkelvoud geëindig het op 'n e, i, o, u of beklemtoonde a).

karba's (klem is op die "a")
oumas, paddas, malvas (klem is nie op die "a" nie)
relê's
sari's (Indiese uitrusting)
foto's; disko's (eintlik "diskoteke")
risiko's
balju's
senu's
leeus (Leeus eindig nie met 'n "u" nie, maar 'n "eeu")

Geen enkelvoud

Daar is sekere woorde wat net in die meervoud gebruik word, byvoorbeeld:

fiemies
semels
masels
pampoentjies (kindersiekte)

Geen meervoud

Water het geen meervoudsvorm nie.

Goud het geen meervoudsvorm nie.

Sekere enkelvoude het geen ooreenstemmende meervoudsvorm nie. In sulke gevalle kan die lidwoord 'n ook nie gebruik word nie, byvoorbeeld:

Kyk ook

Eksterne skakels

Wikiwoordeboek het 'n inskrywing vir meervoud.