Maroela Media: Digitale mediahuis wat nuus en ander inligting in Afrikaans publiseer
Maroela Media is 'n digitale mediahuis wat nuus en 'n verskeidenheid ander inligting in Afrikaans publiseer.
| Maroela Media | |
|---|---|
| Tipe webblad | Nuus en kuierplek |
| Taal(e) | Afrikaans |
| Registrasie | Geen |
| Eienaar | Maroela Media (Edms) Bpk |
| Huidige status | Aktief |
| URL | maroelamedia |
Maroela Media het in Julie 2020 meer as 2,6 miljoen unieke besoekers gehad. Maroela Media het in Julie 2020 ook meer as 26 miljoen bladsye in een maand bedien, met meer as 12 miljoen besoeke in een maand, wat dit die grootste Afrikaanse nuusplatform ter wêreld maak.
Maroela Media het op 29 Julie 2011 sy digitale deure vir die publiek geopen. Die mediahuis het ten doel om 'n gemeenskap van Afrikaanssprekendes op die internet te skep. Dit is deel van die Solidariteit Beweging en word gefinansier deur Solidariteit, AfriForum, Helpende Hand en die Dagbreek Trust. Maroela Media se redaksionele beleid strook met die doelwitte van die Solidariteit Beweging.
Maroela Media publiseer 24 uur per dag nuus, elke dag van die jaar. Nuusberigte is die gewildste van alle inhoud wat op Maroela Media gepubliseer word. Ander inhoud sluit in sportnuus, resepte, Afrikaanse woorde, Afrikaanse uitdrukkings en taalwenke, nuus uit die vermaakwêreld, goeie nuus, geestelike artikels, tegnologie- en motornuus, rubrieke van meningsvormers in die Suid-Afrikaanse samelewing en lesersbriewe.
Maroela Media het 'n sterk Christelike fondasie en 'n streng redaksionele beleid. Kommentaar op Maroela Media word streng gemodereer om te voldoen aan die bepalings en voorwaardes vir lesersdeelname.
Maroela Media se radioproduksiehuis, Draadloos, verskaf programinhoud gratis aan Afrikaanse gemeenskapstasies, insluitend ʼn jaarlikse radiovervolgverhaal. Die mediahuis bied ook opleidingsgeleenthede en bevorder onderlinge samewerking tussen radiostasies. Vanaf November/Desember 2014 is daar ook twee radiostasies in die buiteland wat van dié programinhoud gebruik maak. Teen 2020 maak meer as 62 gemeenskapsradiostasies gebruik van Maroela Media se programinhoud.
Maroela Media het in 2013 saam met Etiket Brand Design 'n silwer Pendoring ontvang as Beste Geïntegreerde Veldtog.
Gewildheid
Volgens Alexa is die webwerf maroelamedia.co.za die 185ste gewildste webwerf in Suid-Afrika.
Verwysings
Eksterne skakels
- (af) Amptelike webwerf
- (af) Maroela Media op Twitter
- (af) Maroela Media op Facebook
- (af) Maroela Media op YouTube
- (af) Maroela Media op Instagram
This article uses material from the Wikipedia Afrikaans article Maroela Media, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.