Ny Lômbarda dia vahoaka jermanika tamin' ny Andro Taloha, izay, araka ny lovantsofina am-bava, notaterin' ny mpahay tantara Paul Deacon, tamin' ny faran' ny taonjato faha-8, dia avy any amin' ny tapany atsimon' i Skandinavia.
Amin' ny teny latina izy ireo dia atao hoe Langobardi avy eo Lombardi taorian' ny taonjato faha-8, afa-tsy tany amin' ny tapany atsimon' i Italia, izay nitazona ny anarana hoe Langobardi hatramin' ny taonjato faha-12.
Tamin' ny taonjato voalohany dia niampita ny Ranomasina Baltika ity vahoaka ity ary nanorim-ponenana teo amoron' i Elbe izay nikambanany tamin' ny Jermanika teo an-toerana. Nifindra monina tany amin’ ny moron’ i Danube antenatenany, any Pannonia, izy ireo tamin’ ny taonjato faha-5, izay nanombohany nandray ny kristianisma tamin’ ny endriny roa tamin’ izany fotoana izany: ariana sy nikeana. Avy any Pannonia, teo ambany fitarihan’ ny mpanjaka Alboin, dia nifindra monina izy ireo tamin’ ny taona 568 nankany Italia nofehezin' ny Rômana (bizantina) ary naka ny ampahany be amin’ ilay saikanosy, ka nijanona ho tompony hatramin’ ny taona 774, rehefa resin’ i Charlemagne izy ireo.
Ankehitriny dia mitondra ny anaran' izy ireo ny faritany italianan' i Lombardia, mahafaoka an' i Milano.
This article uses material from the Wikipedia Malagasy article Lômbarda (vahoaka), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.