Lakandranon' I Suez
Ny Lakandranon' i Suez dia lakandrano any Ejipta, eo anelanelan' ny Ranomasina Mena sy ny Ranomasina Mediteranea.
190,25 km ny halavany, 280 hatramin' ny 345 m ny sakany, ary 22,50 m ny halaliny. Miampita ny Andilan-tanin' i Suez izy, avy any Port-Saïd eo amin' ny Ranomasina Mediteranea, hatrany amin' ny tanànan' i Suez eo amin' ny Ranomasina Mena. Ahafahan' ireo ranomasina roa ireo mifandray izany.
Nanomboka tamin' ny 1859 ilay tetikasa fangadiana azy, ary tapitra tamin' ny 1869 izany. Ny diplômata sy injeniera frantsay Ferdinand de Lesseps no nitondra ilay tetikasa. Io lakandrano io dia ahafahan' ny sambo avy ao Eorôpa makany India tsy mila mandalo any Afrika Atsimo eo amin' ny Cap de Bonne Esperance. Talohan' ny fanokafana ilay lakandrano tamin' ny 1869, ny entana dia tsy maintsy entina an-tanety eo anelanelan' ny Ranomasina Mediteranea sy ny Ranomasina Mena.
Noho ny fahombiazany, izay nampitombo isa ny sambo mandalo ao, ny Lakandranon' i Suez dia fidiram-bola fahatelo any Ejipta. Raha sanatria misy zavatra manentsina ilay lakandrano, ny vola very amin' izany dia misy 7 tapitrisa dolara isan' andro.
Ny tompon' io lakandrano io dia ny Suez Canal Authority, tompon' andraikitry ny fikarakarana azy.
Jereo koa
Rohy ivelany
- Sehatry ny Suez Canal Authority, ho an'ny refy momban'ny lakandrano sy ny toromarika
- Fitsipika
This article uses material from the Wikipedia Malagasy article Lakandranon' i Suez, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.