I Jopitera no andriamanitra rômana izay mitondra ny tany sy ny lanitra, ary koa ny zavamananaina rehetra ao aminy.
Izy koa no tompon' ny andriamanitra maro hafa, ary andriamanitry ny lanitra tamin' ny voalohany, izay toetra hita amin’ ny fifandraisany amin’ ireo fambara eny amin’ ny lanitra mifandray amin’ ny fanao momba ny fahitana ny miafina ataon' ny mpisoron' i Rôma. Amin' ny maha Andriamanitra masi-mandiny azy dia ny voromahery sy ny varatra no famantarana omena azy. Amin' ny teny latina izy dia atao hoe Juppiter ou Iuppiter. Nampitovin' ny Rômana amin' i Zeosy, izay ny andriamanitry ny Grika mifanentana aminy, i Jopitera tamin’ ny farany, na dia niavaka tsara aza ireo andriamanitra roa ireo tamin' ny voalohany. Ao amin' ny literatiora rômana, ny fanehoana an-tsary an' i Zeosy dia mifanindry amin' ny an' i Jopitera, ka ireo andriamanitra roa ireo dia lasa nifangaro ao amin' ny fedrà sy ny sary masina. Izany no nahatonga an' i Jopitera, hatramin' izay ka hatramin' io fotoana io saika tsy nanana fedrà na ny rohim-fianakaviana, ka nomena ny toetoetran' ny andriamanitra grika Zeosy. Ohatra, i Jopitera dia lazaina fa nanambady an' i Jonô anabaviny.
This article uses material from the Wikipedia Malagasy article Jopitera (andriamanitra), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.