Asorotany

Ny Asorotany no vintana fahefatra ao amin' ny fanandroana malagasy manara-bolana.

Ny Adizaoza no eo alohany ary ny Alahasaty no manaraka azy. Ny zoron-trano atsimo-atsinana no toerana omena azy. Andro mahery ny Asorotany.

Fiavian' ilay anarana

Fiavian' ilay anarana

Avy amin' ny anaran' antokon-kintan' ny zodiaka amin' ny teny arabo hoe اسرطان / As-Saratan na As-Sartan ("foza") ny hoe Asorotany. Amin' ny faritra sasany eto Madagasikara dia atao hoe Asaratà na Saratà io teny io.

Manondro ny antokon-kintana atao amin' ny teny latina sy anglisy ary amin' ny teny frantsay hoe Cancer ny hoe Asorotany. Amin' ny fiteny soahily dia atao hoe Saratani io antokon-kintana io. Amin' ny teny maley dia atao hoe Sartan na Ketam ihany koa izy.

Asorotany 
Antokon-kintan'ny Foza

Ny antokon-kintana Foza sy ny zôdiaka

Ny fotoana andalovan' ny masoandro eo amin' ny antokon-kintan' ny Foza dia amin' ny 20 Jolay hatramin' ny 10 Aogositra. Ny fari-potoan' ny Foza araka ny zôdiakan-kintana dia eo amin' ny 16 Jolay hatramin' ny 15 Aogositra. Ny Foza ao amin' ny zôdiakam-panandroana mahazatra (zôdiaka mikisaka; frantsay: zodiaque tropical) dia avy eo amin' ny 22 Jona ka miafara amin' ny 22 Jolay. Tsy mifanaraka amin' ireo ny fanandroana malagasy noho izy miandry tsinam-bolana.

Kambana na Adizaoza Foza na Asorotany Liona na Alahasaty
Antokon-kintana 21 Jona – 20 Jolay 20 Jolay – 10 Aogositra 10 Aogositra – 16 Septambra
Zodiakan-kintana 16 Jona – 15 Jolay 16 Jolay – 15 Aogositra 16 Aogositra – 15 Septambra
Zodiaka mikisaka 21 Mey – 21 Jona 22 Jona – 22 Jolay 23 Jolay – 22 Aogositra

Vintana Asorotany

Toerany

Ao amin' ny fanandroana malagasy dia vintana fahefatra ny Asorotany ka ny zoron-trano atsimo-atsinana no toerana omena azy. Renivintana ny Asorotany. Mibaby ny Adizaoza sy mitrotro ny Alahasaty ny Asorotany. Mifandratra amin' ny Adijady nefa mitanila sy miarina eo amin' ny Alakaosy sy Adalo izy. Mitondra tonon' andro telo ny Asorotany, dia vava Asorotany (na vavan' Asorotany) sy ny vonto Asorotany (na vonton' Asorotany) ary ny vody Asorotany (na vodin' Asorotany).

Fombany

Araka ny finoan-drazana malagasy dia andro mahery ny Asorotany.

Vava Asorotany

Atahorana no maty kely ny zaza teraka amin' ny vava Asorotany, fa raha tsy izany dia ho tratra antitra ihany izy, nefa amin' izany tsy tezain' ny ray aman-dreniny izy fa omena ho tezain' ny havana.

Vonto Asorotany

Ny olona teraka vonto Asorotany dia ho tratra antitra.

Vody Asorotany.

Ny olona teraka vody Asorotany dia atahorana ho maty kely, ka raha tsy maty izy dia hanan-karena sy holava andro iainana.

Volana Asorotany

Misy amin' ny Malagasy ny mandray ny volana Asorotany ho volana fahefatra amin' ny taona ao amin' ny tetiandro malagasy (raha ny Alahamady no ataony volana voalohany).

Manomboka amin' ny vava Asorotany ka miafara amin' ny vody Adizaoza ny volana Asorotany raha misy 28 andro. Raha tsy tsinanam-bolana ny andro aorian' ny vody Adizaoza dia miafara amin' ny vava Asorotany ny volana izay misy 29 andro; raha mbola tsy tsinana aorian' io vava Asorotany io dia mifarana amin' ny vonto Asorotany ny volana izay misy 30 andro.

Jereo koa

Vintana ao amin' ny fanandroana malagasy:

Evan' ny zôdiaka:

Antokon-kintan' ny zôdiaka:

Tetiandro

Loharano sy fanamarihana

Tags:

Asorotany Fiavian ilay anaranaAsorotany Vintana Asorotany Volana Asorotany Jereo koaAsorotany Loharano sy fanamarihanaAsorotanyAdizaozaAlahasatyFanandroana malagasy

🔥 Trending searches on Wiki Malagasy:

ISO 3166-1Eskatôlôjia silamoMônakôAndrianampoinimerinaFiteny malagasyMpaminanyHantatianaTorkmenistànaPaoly (apôstôly)RalamboMarôkaTantaraBatisaFivavahana abrahamika1782HiragasyPhil JacksonFandraisanaArkeôlôjiaHerinandro MasinaJulian SchieberNsukka6 FebroaryWikimaniaVolana (fotoana)McMechen, West VirginiaKutub al-SittahAngatra (aretina)BorondyNiassaSahih al-BukhariTed LyonsKaremyLisitry ny zavatra madinidinika 60001-61000Lisitry ny zavatra madinidinika 24001-25000RSSDox (Jean Verdi Salomon Razakandrainy)KolikolyAbdellatif FellainiVertonJack LondonFrantsa1949Fahotana923Fitiavan-tanindrazanaFranklin Delano RooseveltSoisaBaibolyAmerikaFiteny pôlôneySaryMamoriarivoFiteny ôfisialyOrson WellesHaitsikerafitenyMofo tsy misy masirasira1 Janoary13 FebroaryFanjanahantanyDerek Jeter2009PaskaCharles IFaritra eto MadagasikaraWiki Commons🡆 More