Springbok

Hierdie artikel handel oor die boksoort. Vir die dorp in die Noord-Kaap, sien Springbok, Noord-Kaap, en vir die nasionale rugbyspan, sien Springbokke.

Springbok
Springbokram in die Nasionale Etoshawildtuin, Namibië
Springbokooi in die Nasionale Etoshawildtuin, Namibië
Bewaringstatus
Veilig  (IUCN 3.1)
Wetenskaplike klassifikasie
Koninkryk:	Animalia
Filum:	Chordata
Klas:	Mammalia
Orde:	Artiodactyla
Familie:	Bovidae
Subfamilie:	Antilopinae
Genus:	Antidorcas Sundevall, 1847
Spesie:	A. marsupialis
Binomiale naam
Antidorcas marsupialis (Zimmermann, 1780)
Verspreiding in Suider-Afrika

Volwasse springbokke het 'n gemiddelde hoogte van 75 cm. Springbokramme weeg 33–56 kg, terwyl ooie 'n gewig van 25–40 kg kan bereik. Die ram het horings wat tot 48 cm lank kan wees. Springbokke bereik 'n spoed van 80–90 km/h, terwyl hul naam op hul springvermoë dui: hulle kan 3,5 m hoog en tot 15 m ver spring.

Springbokke kom voor in die droë binnelandse gebiede van Suider-Afrika en was eens op 'n tyd volop hier. Weens die jag op hulle en die menslike besetting van hul woongebied is daar egter vandag aansienlik minder oor.

Die ooi is tussen 5,5 en 6 maande dragtig, waarna 'n enkele lammetjie gewoonlik in November gebore word. Springbokke het 'n moontlike lewensduur van tien jaar.

 

Die springbok was vroeër die nasionale sportembleem van Suid-Afrika. Die tradisie het sy oorsprong in die 1906–1907-rugbytoetsreeks in Engeland. Ná die afskaffing van apartheid is die embleem ook afgeskaf omdat dit vir baie 'n simbool van onderdrukking is. Danksy die ingryping van Nelson Mandela is die embleem egter behou vir die Suid-Afrikaanse nasionale rugbyspan, terwyl die Suid-Afrikaanse nasionale krieketspan se bynaam in Proteas verander is en nou dié blom as sy embleem gebruik. Dit is die nasionale soogdier van Suid-Afrika.

In 1997 het die Suid-Afrikaanse Lugdiens weggedoen met die springbok as sy embleem; springbok is egter steeds dié lugredery se roepsein.

•  
  Springbok in die Nasionale Etoshawildtuin, Namibië
•  
  Springbok in die Nasionale Etoshawildtuin, Namibië
•  
  Rustende springbokram in die Nasionale Etoshawildtuin, Namibië
•  
  Springbokooi by Chudopwatergat, oostelike Etoshawildtuin, Namibië
•  
  Springbokke wei op 'n afgebrande veld, Nasionale Etoshawildtuin, Namibië

• Lys van Nasionale Simbole van Suid-Afrika
• Lys van Suider-Afrikaanse soogdiere
• Lys van Suider-Afrikaanse soogdiere volgens wetenskaplike name
• Suider-Afrikaanse soogdiere en hul ordes

• (en) IUCN SSC Antelope Specialist Group (2008). Antidorcas marsupialis. 2008 IUBN Rooi Lys van bedreigde spesies. Internasionale Unie vir die Bewaring van die Natuur 2008. Verkry op 29 Maart 2009. Databasisinskrywing gee kort verdediging hoekom hierdie spesie nie bedreigd is nie.
• (af) Soogdiere van die Krugerwildtuin en ander Nasionale Parke (1979). Saamgestel deur Die Nasionale Parkeraad. 'n Publikasie van die Raad van Kuratore vir Nasionale Parke van die Republiek van Suid-Afrika. ISBN 0-86953-027-5.

• Wiki Afrikaans  Wikispecies het meer inligting verwant aan Springbok

•   Wikiwoordeboek het 'n inskrywing vir springbok.
• (en) "springbok". Encyclopædia Britannica. Besoek op 29 Maart 2022.

Amptelike simbole van Suid-Afrika
Blom:	Boom:	Voël:	Dier:	Vis:
die koningsprotea	die geelhout	die bloukraanvoël	die springbok	die galjoen
Protea cynaroides	Podocarpus latifolius	Grus paradisius	Damaliscus pygarus	Distichius capensis