Bok: Lid van die spesies van beesagtige diere wat die subfamilie Caprinae vorm
'n Bok is enige lid van die spesies van beesagtige diere wat die subfamilie Caprinae vorm, maar sluit ook die enkele spesie in die subfamilie Pantholopinae in.
- Hierdie artikel is gemoeid met die bok as lid van die familie Caprinae (Engels goat); vir ander gebruike van die woord sien bok (dubbelsinnig).
Die skaapgroepe en die boerbok is ook deel van hierdie groep diere. Die familie waaraan hulle almal behoort sluit op ander takke die wildsbokke en beeste in.
| Bokke | |
|---|---|
 | |
| 'n Bok | |
| Wetenskaplike klassifikasie | |
| Koninkryk: | |
| Filum: | |
| Klas: | |
| Orde: | |
| Familie: | |
| Subfamilie: | Caprinae Gray, 1821 Pantholopinae |
Die meeste ontwikkeling van die groep het plaasgevind ten tye van die laaste ystydperke, toe baie van die lede gespesialiseerd begin raak het vir oorlewing in gemarginaliseerde, onherbergsame omstandighede, soos berghange, woestyne en die sub-Arktiese gebied. Daarom vorm die meeste bokke troppe en is hulle stewiggeboude diere.
Daar is 'n groot grootteverskil onder lede van die groep, vanaf net langer as 'n meter in die geval van die volgroeide grysgoral, Nemorhaedus goral, tot omtrent 2,5 m in die geval van 'n muskusos.
Die diere word in twee groot groepe verdeel op grond van hul gewoontes, die hulpbronverdedigers en die weiers. Eersgenoemde is gebiedsgebonde en verdedig hul klein, voedselryke area teen ander diere van dieselfde spesie, en laasgenoemde wei vrylik in groot troppe oor 'n groter, relatief meer onvrugbare gebied.
Kapater
'n Bokkapater is 'n manlike gekastreerde bok. Die woord "kapater" is afkomstig vanaf die Portugese woord capado wat "ontman" beteken.
Klassifikasie
FAMILIE BOVIDAE
- Subfamilie Bovinae: die beeste, die buffels en die wildsbokke met spiraalhorings; 24 spesies in nege genera
- Subfamilie Cephalophinae: die duikers; 19 spesies in twee genera
- Subfamilie Hippotraginae: die weiende wildsbokke; 23 spesies in 11 genera
- Subfamilie Antilopinae: die gaselle, die dwergwildsbokke en die saiga; 38 spesies in 14 genera
- Subfamilie Caprinae
- Genus Ammotragus
- Turkse skaap, Ammotragus lervia
- Genus Budorcas
- Takin, Budorcas taxicolor
- Genus Capra
- Wilde bok, Capra aegagrus
- Wes-Kaukasiese tur, Capra caucasia
- Oos-Kaukasiese tur, Capra cylindricornis
- Markhor, Capra falconeri
- Alpynse steenbok, Capra ibex
- Nubiese steenbok, Capra nubiana
- Spaanse steenbok, Capra pyrenaica
- Siberiese steenbok, Capra sibirica
- Waliese steenbok, Capra walie
- Genus Hemitragus
- Nilgiriaanse tahr, Hemitragus hylocrius
- Arabiese tahr, Hemitragus jayakari
- Himalaja-tahr, Hemitragus jemlahicus
- Genus Nemorhaedus
- Rooigoral, Nemorhaedus baileyi
- Sjinese goral, Nemorhaedus caudatus
- Japannese serou, Nemorhaedus crispus
- grysgoral, Nemorhaedus goral
- kontinentale serou, Nemorhaedus sumatraensis
- Taiwan-serou, Nemorhaedus swinhoei
- Genus Oreamnos
- Rotsgebergte-bok, Oreamnos americanus
- Genus Ovibos
- Muskusbees, Ovibos moschatus
- Genus Ovis
- Argalie, Ovis ammon
- Skaap, Ovis aries
- Dikhoringskaap, Ovis canadensis
- Dall se skaap, Ovis dalli
- Moeflon, Ovis musimon
- Sneeuskaap, Ovis nivicola
- Oerial, Ovis orientalis
- Genus Pseudois
- Himalaja-blouskaap, Pseudois nayaur
- dwergblouskaap, Pseudois schaeferi
- Genus Rupicapra
- Pirenese gems, Rupicapra pyrenaica
- gems, Rupicapra rupicapra
- Genus Ammotragus
- Subfamilie Pantholopinae
- Genus Pantholops
- Tibetaanse wildsbok, Pantholops hodgsoni
- Genus Pantholops
Sien ook
Eksterne skakels
Wikiwoordeboek het 'n inskrywing vir bok.
Hierdie artikel is vertaal uit die Engelse Wiki
This article uses material from the Wikipedia Afrikaans article Bok, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.