Burmanbos-Natuurreservaat
Burmanbos-natuurreservaat is geleë in Morningside, Durban, sowat 8 km noord van die sentrale besigheidsdistrik.
Dit is 'n klein kuswoud wat ongeveer 55 hektaar beslaan, en deel uitmaak van Durban se Opelugstelsel (D'MOSS). Onder die reservaat se uitstaande woudboomsoorte tel die platkroon, boskoorsbessie en rooiboekenhout.
| Burmanbos-natuurreservaat | |
|---|---|
 | |
| Provinsie | KwaZulu-Natal |
| Naaste dorp | Morningside, Durban |
  Burmanbos-natuurreservaat | |
| Koördinate: 29°49′03″S 31°01′01″O / 29.81750°S 31.01694°O 31°01′01″O / 29.81750°S 31.01694°O | |
| Oppervlak | 50 ha |
| Webblad | Burman Bush Nature Reserve, durban.gov.za |
Dit bied drie wandelpaaie aan besoekers, die Pithi (500 m), Hadeda (1 km) en Bosolien (2 km) voetpaaie, wat deur die bos vleg om toegang tot die verskeie flora en fauna te bied. 'n Uitkykplatform aan die noordepunt van die buitenste voetpad bied 'n wye uitsig oor die Umgenirivier, vanaf Connaught-brug tot die Blue lagoon.
Die fauna is oorwegend skugtere spesies. Die reservaat bevat Durban se grootste bevolking blouduikers, benewens duikers, is daar ook gebande en swartkwasmuishonde, ystervarke en troppe blouapies. Die voëllewe is meer aktief in die oggendure en word maklikste vanaf die sentrale privaatpad besigtig. Dit sluit in rooibekkakelaars, mikstert- en kleinbyvangers, nataljanfrederik, geelborskleinjantjies en paradysvlieëvangers.
Verwysings
Eksterne skakel
- Wiki Afrikaans
Wiki Commons het meer media in die kategorie Burmanbos. - (en) Webtuiste met 'n oorsig van Durban Geargiveer 12 Januarie 2010 op Wayback Machine
This article uses material from the Wikipedia Afrikaans article Burmanbos-natuurreservaat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.