Fodya
Fodya (tobacco) idzinde rinorimwa rinokura mashizha mahombe anokohwehwa achinotengeswa.
Fodya inoshandiswa kugadzira mudzanga unoputwa nevanoputa. Imwe fodya inoshandiswa kugadzira mishonga yakasiyanasiyana inokororwa kubva mushizha refodya.
- Izwi rokuti fodya rinobva kuPortuguese inoti folha kureva shizha.
MuZimbabwe fodya chirimwa chinounza mari yakawanda yekunze kwenyika; fodya yemuZimbabwe inotengeswa kuAsia, Europe neNorth America.
Chigusvani kana chitsitsi zvinoreva icho chinosarira kana mudzanga wefodya wapera kuputwa, watsva pose pane shizha refodya.
- Muputa kana muzama (roll of tobbaco).
- Nhemba (a palmful of tobacco or snuff) rwanza rwefodya.
- Mutyaba (ash of banana skins used as ingridient in snuff) apa kureva dota remakanda ebhanana raishandiswa richisanganiswa nefodya yemumhuno.
- Nyere yefodya, chibako, chingwarara (snuff box).
- Rutanga, rutana, mushanga, mutanga (long snuff box).
- Shindi kana rushindi (tuft of hair of animal used as snuff-box),
- Chikwarimba (tobacco plant; any loose tobacco) apa zvichireva dzinde refodya ringava dzinde richakamira kana mashidza atotanhwa.
Zvirevo
- Akazvionera pamhuno sefodya.
- Nhamo inenge yefodya inoti uku yakarumwa uku inotsva.
- korokoto (ideo of Causing, or feeling, sense of relief). Anonzwa kuti korokoto kana achangofemba fodya: he has a sense of relief as soon as he has taken a pinch of snuff. Izwi iri rinokwanisa kuturikira vhinonzi feeling high zvakanangana nezvinodhaka - narcotic drugs'.
- Fodya haina manenji semhamba. Tobacco causes no fights like beer.
- Gapakapa ndere fodya remhudzi rinokura nokusakurirwa. A tobacco crop grows freely but pumpkins grow because of cultivation.
- Fodya haina shura sedoro. (Snuff) tobacco creates no grudge like beer.
Mamwe Mazwi
- Kukorokota kana kukorokoda (Scrape inside of a container by means of a probe). Nhekwe yapera fodya, itokorokota nekamuti kwazvo kumativi ose: the snuffbox is empty, use a stick to scrape the sides carefully.
Mazwi eBantu
- VaTonga vanoti podya (n. tobacco) kureva fodya. VaLozi vanoti kwai kana likwai (n. tobacco, snuff, cigarette) kureva fodya.
- Chopi vanoti kuputa (n. roll up) kureva kumonera. Chuabo vanoti fola (n. tobacco) kureva fodya.
- VaTonga vanoti syuta (n. to bite) kureva kuruma. Fananidzai nokuti kusvuta fodya.
- Mang'anja vanoti ntekwe (n. snuffbox) kureva nhekwe. Basotho vanoti koae (n. tobacco, snuff, cigarette) kureva fodya.
This article uses material from the Wikipedia chiShona article Fodya, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki chiShona (DUHOCTRUNGQUOC.VN) is an independent company and has no affiliation with Wiki Foundation.