P'tun
Lé p'tun (Guernésiais : touba, Cotentinais : petun) est eune pliante (en Latîn: Nicotiana) et la drogue faite d'ses fielles.
Ch't' articl'ye fut c'menchie en Jèrriais |
La nicotinne chimique qu'la pliante contchient est pouor addictionner les p'tunneurs. Avaû l's années nou-s'a p'tunné atout des pipes, des cigares, des cigarettes, du tchias et du sno.
Tchultivâtion
Lé p'tun est tchultivé dans bein des pays, même dans des cheins dé tchi l'gouvèrnément dêcouothage la p'tunn'nie. L'pus grand tchultivateu dé p'tun est la Républyique du Peupl'ye d'la Chinne, sieu par l'Brési, l'Înde, les Êtats Unnis d'Améthique, l'Îndonésie, la Turtchie, la Grêce, l'Argentinne, l'Italie et l'Pakistan.
Originne du mot
L'mot p'tun vînt d's Îndgiens Tupi du Brési, et fut apporté en Ûrope au seizième siècl'ye par les navidgants et marchands Portûndgais. Les Français empruntîtent lé mot mais ch'est l'mot tabac qu'nou fait sèrvi en Français. En Bréton l'mot butun a la même originne qué not' mot.
This article uses material from the Wikipedia Nouormand/Normaund article P'tun, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Le contenu est disponible sous licence CC BY-SA 4.0 sauf mention contraire. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nouormand/Normaund (DUHOCTRUNGQUOC.VN) is an independent company and has no affiliation with Wiki Foundation.