बर्दघाट नगरपालिका
बर्दघाट नेपालको पश्चिमाञ्चल विकास क्षेत्र अन्तर्गत लुम्बिनी अञ्चलमा पर्ने नवलपरासी जिल्लामा अवस्थित एक नगरपालिका हो । बर्दघाट बजार रहेको ठाँउलाई नगरपालिकाको केन्द्र बनाइएको छ । यो नगरपालिका २०६८ साउन १ देखि लागू हुने गरी बनाइएको हो तर कार्यन्वयनमा हाल जेष्ठ ४,२०७१ देखि आएको हो । यसलाई नगरपालिका घोषणा गर्दा माकर र पञ्चनगर गाउँ विकास समितिहरू समावेश गरिएका हुन् । आर्थिक वर्ष २०६८/६९को बजेटमार्फत् मुलुकमा ४१ नयाँ नगरपालिका थपिंदा बर्दघाट पनि नगरपालिका बनेको हो । महानगरपालिका, उपमहानगरपालिका र नगरपालिका गरी अब मुलुकमा कूल १३० भएका छन् भने गाविसको संख्या ३ हजार ९ सय १५बाट घटेर ३ हजार ६ सय ३३ भएका छन ।
बर्दघाट Bardaghat | |
|---|---|
 छाप | |
| देश |  नेपाल |
| अञ्चल | लुम्बिनी अञ्चल |
| जिल्ला | नवलपरासी जिल्ला |
| स्थापना | २०७१ जेष्ठ ४ |
| सरकार | |
| • मेयर | धिरज शर्मा बस्याल |
| • उप मेयर | माया देवी पौडेल |
| जनसङ्ख्या (बि.स.२०६८) | |
| • जम्मा | ३४,४१७ |
| समय क्षेत्र | युटिसी+५:४५ (नेपालको प्रमाणिक समय) |
| क्षेत्रीय सङ्केत | +९७७-७८ |
| वेबसाइट | www.bardghatmun.gov.np |
परिचय
चितवन उपत्यकाबाट दाउन्ने पहाड भएर पश्चिम लाग्दा दाउन्ने पहाड सकिने बित्तिकै आउने नवलपरासी जिल्लाको प्रमुख वाणिज्य केन्द्र बर्दघाट हो । यो त्रिवेणी धाम जाने सडक र महेन्द्र राजमार्गको चोक बजार हो । बढदै गएको सञ्चार, खानेपानी तथा विद्युतको उपलब्धताले बर्दघाट द्रुततर गतीमा सहरीकरण तर्फ अघि बढीरहेको छ । बर्दघाटबाट सदरमुकाम परासी ३० कि.मी.को दुरीमा रहेको छ भने त्रिबेणी धाम २५ कि.मी.को दुरीमा रहेको छ । भरतपुर ७७ कि.मी. छ भने बुटवल ३८ कि.मी. रहेको छ ।
जनसङ्ख्या
माकर र पञ्चनगर गाविसहरूलाई मिलाएर बर्दघाट नगरपालिका बनाइएको हो । त्यसैले बि.स.२०६८ को जनगणना अनुसार यी ठाउँहरूको जनसङ्ख्यालाई जोडेर बर्दघाट नगरपालिकाको जनसङ्ख्या ३४,४१७ रहेको छ ।
सन्दर्भ सामग्रीहरू
बाह्य कडीहरू
यो पनि हेर्नुहोस्
ढाँचा:नवलपरासी (बर्दघाट सुस्ता पश्चिम)का स्थानीय तहहरू
This article uses material from the Wikipedia नेपाली article बर्दघाट नगरपालिका, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). सामाग्री CC BY-SA 4.0 अनुसार उपलब्ध छ, खुलाइएको अवस्था बाहेकको हकमा। Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki नेपाली (DUHOCTRUNGQUOC.VN) is an independent company and has no affiliation with Wiki Foundation.