Fivahiniana Masina
Ny fivahiniana masina dia fandehanana lavitra izay tanterahin' ny mpino mankany amin' ny toerana na tanàna masina, matetika mankany amin' ny toerana tsy fantatra na any ivelan' ny firenena misy azy, ho mariky ny fitiavam-bavaka; mety hitarika ho amin' ny fiovan' ny tena manokana izany.
Manao fivahiniana masina ny mpino ao amin' ny fivavahana abrahamika (indrindra ny jodaisma sy ny kristianisma ary ny silamo) sy ny fivavahana hafa toy ny ao amin' ny hindoisma
Fivahiniana masina atao amin' ny fivavahana abrahamika
Fivahiniana masina ataon' ny Hebreo sy Jiosy
Ny vahoaka hebreo koa dia nanao fivahiniana masina mankany Silô sy any Dana (ao Israely ankehitriny) sy any Betela (any Jordania ankehitriny).
Fivahiniana masina ataon' ny mpino silamo
Ny mpino silamo dia manao fivahiniana masina any Maka any Arabia Saodita ka zavatra tsy maintsy atao indraimandeha amin' ny androm-piainana izany raha misy ny hoenti-manana. Misy koa ny fivahiniana masina ataon' ny mpino silamo mankany amin' ireo fasan' ny olo-masina.
Fivahiniana masina kristiana
Ny fivahiniana masina nataon' ny Kristiana voalohany dia mankany amin' ny toerana niaretan' i Jesoa Kristy ny fijaliany.
Fivahiniana masina ataon' ny fivavahana hafa
Ny Egiptiana sy ny Persiana sy ny Grika ary ny Rômana
Maro ireo fivavahana mamporisika ny fanaovana fivahiniana masina ka isan' izany ny fivavahan' ny Egiptiana tamin' ny Andro Taloha, ny fivavahan' ny Persiana tamin' ny vanimpotoana nivavahana tamin' i Mitra. Ny Grika sy ny Rômana dia nanam-pahazarana mijery mpaminany ka nandeha nanontany ny mpaminany tany Delfa any Grisia, ohatra.
Fivahiniana masina ataon' ny Hindoa
Ny Hindoa koa dia manao fivahiniana masina mankany Benares (na Varanas).
This article uses material from the Wikipedia Malagasy article Fivahiniana masina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.