Ny Adnanita dia fiombonam-bondrom-poko arabo ismaelita, izay mitantara ny firazanany hatrany amin' i Ismaela zanak' i Abrahama sy Hagara vadiny, amin' ny alalan' ny iray amin' ny zanakalahin' i Ismaela roa ambin' ny folo, dia i Qidār rain' i Adnan, izay avy any Hejaz.
Ny mpaminany silamo Mohamady dia avy amin' ny fokom-pirenena koraisita (Quraysh) izay anisan' ny Adnanita. Atao hoe عدنانيون / 'Adnānī ny Adnanita amin' ny teny arabo. Araka ny lovantsofina arabo, ny Adnanita dia Arabo Tavaratra, fa tsy toy ny Kahtanita any amin' ny tapany atsimon' i Arabia, izay taranak' i Kahtana (Qahtan), zanaky ny mpaminanin' ny silamo Hudʿ (ity dia heverina ho i Ebera indraindray). Araka ny lovantsofina arabo sy silamo dia lasa Arabo i Ismaela ary nianatra ny teny arabo tamin' ny fifandraisana amin' ny foko Kahtanita tao Jurhum taorian' ny nahatongavany tao Meka. Nanao fifanekena tamin' i Ismaela sy i Hagara reniny ny fokom-pirenen' i Juroma. I Ismaela dia nanambady vehivavy jorhomita antsoina hoe Rala bint Mudad ibn 'Amr ibn Jurhum.
This article uses material from the Wikipedia Malagasy article Adnanita, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.