Ny lovantsofina dia fampitana mitohy ny singan-kolontsaina iray na maro mandritra ny tantara hatramin' ny zava-mitranga mpanorina na hatramin' ny zava-nitranga tamin' ny fotoana lasa lavitra dia lavitra.
Izany lova tsy azo tsapain-tanana izany dia mirakitra ny maha izy azy ny vondron' olona iray, ka mety ho izany no namorona ny foko na vondrom-poko iray. Ny lovantsofina dia fitadidiana ny zavatra izay nisy ka tokony hampitaina amin' ny taranaka mandimby sady hohatevenin' izy ireo. Ny lovantsofina dia mety am-bava na efa voasoratra.
Ao amin' ny fivavahana kristiana dia atao hoe lovantsofina (hoy ny Prôtestanta malagasy) na lovam-pampianarana (hoy ny Katôlika malagasy) ny fanambaràna mitohy ny Vaovao Mahafaly amin' ny Fiangonana amin' ny alalan' ny fifandimbiasan' ny apôstôly (lovam-pampianarana apôstôlika). Raha mampitovy lanja ny lovam-pampianarana amin' ny Soratra Masina ny Katôlika sy ny Ôrtôdôksa, ny Prôtestanta kosa dia tsy mandray ho tenin' Andriamanitra afa-tsy izay voasoratra ao amin' ny Baiboly (jereo: Sola scriptura).
This article uses material from the Wikipedia Malagasy article Lovantsofina, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.