Ny dôlara na dollar dia vola ampiasaina ao amin' ny firenena maromaro toa an' i Aostralia, i Kanada, i Hong Kong, i Zelandy Vaovao, i Singapôro, i Etazonia ary firenena hafa ao Karaiba, ao Azia, ao Amerika Atsimo ary aty Afrika.
Toy izao ny evany: $ na D.
Ny teny hoe dollar izay nohagasina hoe dôlara dia avy amin' ny teny alemana taloha hoe Daler na Taler, nohafohezina avy amin' ny anarana hoe joachimsthaler, anaran' ny vola madinika volafotsy misy ny sarin' i Sankt-Joachimsthal (amin' ny teny alemaina) na Jáchymov (amin’ ny teny tseky), noforonina tamin' ny taona 1519 tany Alemaina. Ankehitriny i Jáchymov dia tanàna ao amin' ny distrika sy faritra Karlovy Vary, any Tsekia.
Tatỳ aoriana dia nisy vola madinika volafotsy nantsoina hoe peso duro ("dôlara mafy", araka ny iantsoan' ny Anglô-Saksôna azy) natao tany Espaina ary nampiasaina betsaka tany amin' ny zanatany espaniôla sy anglisy tany Amerika.
Nandray ny rafitra ara-bola tafolo i Aostralia tamin' ny taona 1966, ka nanolo ny rafitra taloha, dia ny livre sterling izay nanankery any amin' ny firenena ao amin' ny Commonwealth. Ny dôlara aostraliana dia mitentina 100 cents.
Noraisin' i Kanada ny rafitra ara-bola tafolo tamin' ny taona 1867. Nozaraina ho dollar sy cent ary ampaharivon' ny dollar ny vola kanadiana; ny fenitra ara-bola dia nametra ny sandan' ny dôlara ho 2,58 gramam-bolamena.
Ny lalàna momba ny vola tafolo tamin' ny taona 1964 dia nampiditra ny rafitra vola tafolo tany Zelandy Vaovao. Ny dôlara neô-zelandey dia mizara ho 100 cent ihany koa.
Ny dôlaran' i Hong Kong dia nanomboka nivoaka tamin' ny taona 1863;
Taorian' ny Ady ho an' ny fahaleovan-tenan' i Etazonia, ny Continental Congress dia nandray ny rafitra ara-bola tafolo. Ny dôlara voalohany namboarina tany Etazonia dia navoakan' ny governemanta federaly tany Philadelphia tamin' ny taona 1794: dôlara volafotsy misy volafotsy madio 371,25 g ary dôlara volamena misy volamena madio 24,75 g. Nanomboka tamin' ny taona 1934, ny vola mivezivezy, na vola taratasy na vola madinika, dia vola voafaritra araka ny fahefa-mividiny fa tsy nisy fifandraisany amin' ny lanjam-bolamena intsony. Ny dôlara volafotsy dia nampiasaina hatramin' ny taona 1965 izay taona nanjavonan' izy rehetra, satria nihoatra ny sanda misoratra aminy ny sandan' ny metaly ao aminy. Ny dôlara amerikana no vola tahiry voalohany eran-tany saingy tamin' ny taompolo 1990 dia toa manamarika ny fiafaran' ny fanjakazakany.
This article uses material from the Wikipedia Malagasy article Dôlara, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Mitondra ny lisansa CC BY-SA 4.0 ny votoatiny raha tsy misy zava-kafa ambara. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Malagasy (DUHOCTRUNGQUOC.VN) is an independent company and has no affiliation with Wiki Foundation.