Mkurugenzi

Wakurugenzi wakuu hutafuta kazi katika mashirika mbalimbali, yakiwemo mashirika ya umma na yale ya kibinafsi, mashirika yasiyo ya kifaida, na hata baadhi ya mashirika ya serikali (hasa makampuni ya serikali). Mkurugenzi Mtendaji wa shirika au kampuni kwa kawaida huripoti kwa bodi ya wakurugenzi na mara nyingi kazi yao kubwa huwa ni kuongeza thamani ya biashara kwa kampuni waliyoajiliwa nayo ambayo inaweza kujumuisha kuongeza bei ya hisa, sehemu ya soko, mapato au kipengele kingine chochote. Katika sekta isiyo ya kifaida na zile za serikali, Wakurugenzi Wakuu kwa kawaida hulenga kufikia matokeo yanayohusiana na dhamira ya shirika husika, ambayo ki kawaida huwa ni kwa mujibu wa sheria. Wakurugenzi wakuu pia mara nyingi hupewa jukumu la meneja mkuu wa shirika na afisa wa cheo cha juu zaidi katika shirika ama kampuni husika.