Verlorenvallei-Natuurreservaat
Die Verlorenvallei-natuurreservaat is ‘n beskermde natuurgebied in die noordweste van Mpumalanga in Suid-Afrika.
Die reservaat lê op die plato van die Steenkampsberge, direk noord van Belfast, net noordwes van die Groot Suikerbosberg, 13 km noordnoordoos van Dullstroom, wes van Santapas op die R540-pad en naby die provinsiale grens met Limpopo. Dit is nagenoeg by 25°17′S 30°9′O / 25.283°S 30.150°O en in sy geheel bo 2 000 m bo seespieël.
Daar is meer as 30 vleie in die park van 5 890 ha. Hierdie permanente varswatermoerassse is die opvanggebied vir belangrike riviere in Suid-Afrika en Mosambiek en huisves ‘n ryke verskeidenheid aan bedreigde plante, skoenlappers en soogdiere. ‘n Projek is hier geloods om die lelkraanvoël van uitwissing te red. Dit is tot ‘n Ramsar-gebied verklaar in 2001.
Die volgende plante en diere kom in die reservaat voor: lelkraanvoël, mahem, bloukraanvoël, kalkoenibis, koester, lewerik, landeryklopkloppie, laksmanne, rooivink, bergwagter, grondspeg, rooivlerkpatrys, bergpatrys, berglyster, oorbietjie, steenbok, strandwolf, rooikat, tierboskat, jakkals, otter, sebra, wildebees, blesbok, skoenlapper en die bedreigde bolplant Eucomis vandermerwei.
Nota
- Dit moet nie verwar word met Verlorevlei nie.
Lees ook
This article uses material from the Wikipedia Afrikaans article Verlorenvallei-natuurreservaat, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Inhoud is onderhewig aan CC BY-SA 4.0, tensy anders vermeld. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Afrikaans (DUHOCTRUNGQUOC.VN) is an independent company and has no affiliation with Wiki Foundation.